بارہمولہ،بھارتی پولیس کا حریت کارکن کے گھر پر چھاپہ

چھاپے کے دوران کچھ پوسٹر ،سم کارڈ ، موبائل فون اور دیگر اشیا کے علاوہ 30ہزار ضبط

ہفتہ 19 اپریل 2025 14:14

سرینگر(اُردو پوائنٹ اخبارتازہ ترین - این این آئی۔ 19 اپریل2025ء)بھارت کے غیر قانونی زیر قبضہ جموںوکشمیر میں بھارتی پولیس نے ضلع بارہمولہ میں ایک حریت کارکن کے گھر پر چھاپہ مارا۔کشمیرمیڈیاسروس کے مطابق پولیس نے نئی دہلی کے مسلط کردہ لیفٹیننٹ گورنر منوج سنہا کے حکم پر آزادی پسند تنظیم مسلم لیگ سے وابستہ چکلو بارہمولہ کے رہائشی مسعود علی کی رہائش گاہ پر چھاپہ مارا اور تلاشی لی۔

یہ چھاپہ کالے قانون ’’یو اے پی اے ‘‘کے تحت مارا گیا۔

(جاری ہے)

پولیس نے چھاپے کے دوران کچھ پوسٹر ،سم کارڈ ، موبائل فون اور دیگر اشیا کے علاوہ 30ہزار روپے ضبط کیے ہیں۔یادرہے کہ بھارتی فورسز نے مقبوضہ علاقے میں حریت رہنماؤں اور کارکنوں کیخلاف کریک ڈائوں کا سلسلہ تیز کر دیا ہے ۔ انکے گھروں پر چھاپے مارے جارہے ہیں اور اہلخانہ کو ہراساںکرنے کے علاوہ ضروری دستاویزات، موبائل فون، لیپ ٹاپ اور دیگر ڈیجیٹل آلات ضبط کیے جا رہے ہیں۔جبر و استبداد کی ان کارروائیوں کا مقصد حریت رہنمائوں ، کارکنوں کو آزادی پسند سرگرمیوں سے باز رکھنا ہے۔