فلسطینی صدر محمود عباس 16 سال بعد شام پہنچ گئے‘شاندار استقبال

ہفتہ 19 اپریل 2025 22:29

دمشق (اُردو پوائنٹ اخبارتازہ ترین - آن لائن۔ 19 اپریل2025ء)فلسطینی صدر محمود عباس 16 برس بعد دمشق پہنچ گئے جہاں شامی صدر نے ان کا استقبال کیا۔عرب میڈیا کے مطابق فلسطینی صدر جب شامی دارالحکومت دمشق پہنچے تو شامی صدر الشعراء نے پیپلز پیلس کے دروازے پر اُن کا استقبال کیا، فلسطینی صدر سرخ قالین پر چل کر محل میں داخل ہوئے۔

(جاری ہے)

فلسطینی صدر محمود عباس ان عالمی رہنماؤں میں سے ایک ہیں جنہوں نے موجودہ شامی صدر الشعراء کو صدرات سنبھالنے کے بعد مبارک باد کا پیغام بھیجا تھا۔فلسطینی صدر کے دورے کا مقصد شام اور فلسطین کے تعلقات مضبوط بنانا اور شام میں فلسطینیوں کے ساتھ لین دین کو آسان بنانا ہے۔دونوں رہنماؤں نے درپیش مشترکہ خطرات پر بھی تبادلہ خیال کیا۔