Live Updates

امریکی صدر کا فوجی اخراجات میں 12 فیصد اضافے کا اعلان

نیشنل گارڈ کو21 ایف 15 جیٹ طیارے فراہم کریں گے،ٹرمپ کی گفتگو

بدھ 30 اپریل 2025 16:26

امریکی صدر کا فوجی اخراجات میں 12 فیصد اضافے کا اعلان

مشی گن(اُردو پوائنٹ اخبارتازہ ترین - این این آئی۔ 30 اپریل2025ء)امریکی صدر ڈونلڈ ٹرمپ نے فوجی اخراجات میں12 فیصد اضافے کا اعلان کر دیا۔غیرملکی خبررساں ادارے کے مطابق امریکی صدر ڈونلڈ ٹرمپ نے حکومت کے 100 دن مکمل ہونے پرمشی گن میں نیشنل گارڈز سے خطاب کرتے ہوئے کہا کہ فوجی اخراجات کو ایک ٹریلین ڈالر بڑھا رہے ہیں، نیشنل گارڈ کو21ایف 15 جیٹ طیارے فراہم کریں گے۔

(جاری ہے)

ڈونلڈ ٹرمپ نے کہا کہ چین سے منصفانہ ٹیرف معاہدہ کرنے جا رہے ہیں، بھارت اور فرانس امریکا سے ڈیل کرنا چاہتے ہیں، چاہے ٹیرف ایجنڈا نے منڈیوں کو ہلا دیا ہو مگر یہ مضبوط امریکی معیشت کا باعث بنے گا، ہماری مقبولیت میں کمی کا میڈیا جھوٹا پراپیگنڈا کررہا ہے۔انہوں نے مزید کہا کہ میری انتظامیہ کے خلاف فیصلہ دینے والے جج قانون کے نفاذ میں رکاوٹ ڈال رہے ہیں، امریکی سپریم کورٹ صدارتی اختیارات میں مداخلت روکنے میں مدد کرے، جوبائیڈن نے اپنے دور میں سیاسی انتقام کا نشانہ بنایا۔