اشیش نہرا نے ساتھی بھارتی فیلڈر کو جونٹی رہوڈز سے بہتر قرار دیدیا

کسے بہترین فیلڈر کے طور پر چنیں گے کے سوال پر فوراً رویندر جدیجہ کا نام لیا

ذیشان مہتاب اتوار 20 اپریل 2025 13:00

اشیش نہرا نے ساتھی بھارتی فیلڈر کو جونٹی رہوڈز سے بہتر قرار دیدیا

نئی دہلی (اردو پوائنٹ تازہ ترین اخبار ۔ 20 اپریل 2025ء) بھارت کے سابق کرکٹر اور آئی پی ایل فرنچائز کے کوچ اشیش نہرا نے ایک بھارتی فیلڈر کو جنوبی افریقن لیجنڈ جونٹی رہوڈز سے بہتر قرار دیا ہے۔

بھارت کے اسپورٹس چینل کے ایک پروگرام میں آئی پی ایل فرنچائز گجرات ٹائٹنز کے کوچ اشیش نہرا سے پوچھا گیا کہ وہ کرکٹ کی تاریخ میں کسے بہترین فیلڈر کے طور پر چنیں گے، سابق بھارتی کرکٹ رنے اس پر فوراً رویندر جڈیجا کا نام لیا۔

(جاری ہے)

اس موقع پر میزبان نے حیران ہوکر ان سے پوچھا آپ یہ کیسے کہہ سکتے ہیں جواب میں اشیش نہرا نے کہا کہ میں نے بہت سے بڑے فیلڈرز دیکھے ہیں، کچھ آؤٹ فیلڈ میں اچھے ہیں، کچھ دائرے کے اندر، جیسے کہ جونٹی رہوڈز، وہ دائرے کے اندر سب سے بہتر ہیں۔

انھوں نے کہا کہ اگر آپ آل راؤنڈ فیلڈنگ کی بات کریں تو اے بی ڈی ویلیئرز کا نام آتا ہے لیکن ان میں اینڈریو سائمنڈز اور جڈیجا کا بھی نام آئے گا لیکن میں ان سے جڈیجا کو آگے رکھوں گا۔

اشیش نہرا نے کہا کہ یہ اس کی عمر کی وجہ سے نہیں ہے بلکہ جب وہ 09-2008ء میں آئے تھے اس وقت بھی اور ابھی بھی ویسے ہیں ہیں، مجھے نہیں معلوم کہ وہ فٹنس کیلیے کیا کھاتا ہے، اگر وہ کچھ مختلف کھا رہا ہے، تو اسے ہمیں بتانا چاہیے۔