امریکا، ہوم لینڈ سکیورٹی کی وزیر کرسٹی نوئم کا پرس چوری

سیکرٹ سروس نے چور کو ڈھونڈنے کے لیے تحقیقات کا آغاز کر دیا ہے،رپورٹ

منگل 22 اپریل 2025 17:48

واشنگٹن (اُردو پوائنٹ اخبارتازہ ترین - این این آئی۔ 22 اپریل2025ء)امریکا کی ہوم لینڈ سکیورٹی کی وزیر کرسٹی نوئم کا پرس واشنگٹن ڈی سی کے ایک ریستوران سے چوری ہو گیا۔ عرب ٹی وی کے مطابق محکمہ ہوم لینڈ سکیورٹی نے ایک ای میل میں کہا ہے کہ کرسٹی نوئم کے پرس میں اپنے بچوں اور پوتے پوتیوں کے لیے تحائف خریدنے، ایسٹر ڈنر اور دیگر ضروریات کی رقم موجود تھی۔

(جاری ہے)

ہوم لینڈ سکیورٹی کی جانب سے یہ نہیں بتایا گیا کہ کیا چوری ہوا ہے، سیکرٹ سروس نے چور کو ڈھونڈنے کے لیے تحقیقات کا آغاز کر دیا ہے۔ہوم سکیورٹی کے ترجمان نے بتایا کہ ان کا پورا خاندان شہر میں تھا اور ایسٹر کے موقع پر وہ پرس میں موجود رقم سے اپنے خاندان کی تواضع کرنا چاہتی تھیں۔سکیورٹی امور کے ماہرین کا کہنا ہے کہ چور کا کابینہ کے ایک رکن کے اتنا قریب ہونا سکیورٹی میں کوتاہی کی طرف اشارہ ہے۔