سعودی عرب جیوسپیٹیل فیلڈ انڈیکس میں نویں پوزیشن پر آگیا

بدھ 23 اپریل 2025 12:35

ریاض (اُردو پوائنٹ اخبارتازہ ترین - این این آئی۔ 23 اپریل2025ء)سعودی عرب نے جیوسپیٹیل فیلڈ انڈیکس 2025 میں عالمی سطح پر نویں اور جی 20 میں چھٹی پوزیشن پر آگیا۔ سعودی اخبار کے مطابق سپین کے دارالحکومت میڈرڈ میں 22 سے 25 اپریل تک جاری رہنے والیجیوسپیٹیل ورلڈ فورم 2025 کے پہلے دن اس کا اعلان کیا گیا۔فورم میں سعودی عرب کی جانب سے جنرل اتھارٹی فار سروے اینڈ جیوسپیٹیل انفارمیشن (جی ای او ایس ای) نمائندگی کررہی ہے۔

(جاری ہے)

جی او ایس اے کے مطابق جی کے آئی ریڈینس انڈیکس اقوام متحدہ کے شماریات ڈویژن کی مدد سے تیار کردہ سٹراٹیجک فریم ورک ہے۔اس کا مقصد جغرافیائی معلومات کو اپنانے والے ممالک کی تیاری کا موازنہ کرنا اور انڈیکس پر ان کی پیشرفت، معاشی ترقی اور ڈیجیٹل تبدیلی کو فروغ دینا ہے۔جنرل اتھارٹی فار سروے اینڈ جیوسپیٹیل انفارمیشن مملکت میں سروے، جغرافیائی معلومات اور امیجنگ کے شعبے کو منظم کرنے کے لیے کام کرتی ہے۔