Live Updates

x شاداب نے پی ایس ایل میں 100وکٹیں لینے کا سنگ میل عبور کر لیا

ڑ*اس سے قبل حسن علی نے سب سے زیادہ وکٹیں لینے کا کارنامہ سرانجام دیا تھا

جمعرات 24 اپریل 2025 18:25

_ملتان (اُردو پوائنٹ اخبارتازہ ترین - آن لائن۔ 24 اپریل2025ء) پاکستان سپر لیگ (پی ایس ایل)کے 13ویں میچ میں اسلام آباد یونائیٹڈ کے کپتان شاداب خان نے اہم سنگ میل عبور کرلیا۔گزشتہ روز ملتان میں کھیلے گئے میچ میں ہوم ٹیم سلطانز نے مقررہ 20 اوورز میں 5 وکٹوں کے نقصان پر 168 رنز بنائے، سلطانز کی جانب سے عثمان خان نے 61 رنز کی اننگز کھیلی۔اسلام آباد یونائیٹڈ نے ہدف محض 17.1 اوور میں 3 وکٹوں کے نقصان پر حاصل کرلیا اور یوں مسلسل پانچویں فتح حاصل کی۔

ٹیم کے کپتان شاداب خان نے بھی میچ کے دوران پاکستان سپر لیگ (پی ایس ایل)میں 100 وکٹیں لینے کا سنگ میل عبور کیا، انہوں نے یہ کارنامہ 89ویں اننگز میں انجام دیا۔آل راونڈر نے محمد رضوان کی وکٹ لیکر پی ایس ایل میں اپنی وکٹوں کی سینچری مکمل کی تھی۔

(جاری ہے)

پی ایس ایل کی تاریخ میں سب سے زیادہ وکٹیں لینے والے کھلاڑیوں میں حسن علی 118 وکٹیں (86 اننگز)،وہاب ریاض 113 وکٹیں (87 اننگز)،شاہین آفریدی 109 وکٹیں (75 اننگز)،شاداب خان 100 وکٹیں (89 اننگز)،فہیم اشرف 79 وکٹیں (73 اننگز) شامل ہیں ۔

شاداب خان 2017 سے اسلام آباد یونائیٹڈ کی ٹیم کا حصہ ہیں، انہوں نے 2018 اور 2024 میں ٹیم کو ٹائٹل جتوانے میں اہم کردار ادا کیا تھا، آل رانڈر 100+ وکٹیں اور 1,000+ رنز کا سنگ میل عبور کرنے والے چند کھلاڑیوں میں شامل ہیں۔واضح رہے کہ پی ایس ایل کے رواں ایڈیشن میں پوائنٹس ٹیبل پر پہلے نمبر پر موجود اسلام آباد یونائیٹڈ کی ٹیم ابتک ناقابل شکست ہے، انہوں نے 5 میچز کھیلے اور تمام میں فتوحات سمیٹیں۔اس سے قبل حسن علی نے پی ایس ایل کی تاریخ میں سب سے زیادہ وکٹیں لینے کا کارنامہ سرانجام دیا تھا۔