حج ویزے کے علاوہ مکہ میں ہوٹل بکنگ نہ کی جائے، سعودی وزارت سیاحت

یہ احکامات عازمین حج کو سہولت فراہم کرنے کی غرض سے صادر کیے گئے ہیں،بیان

جمعہ 25 اپریل 2025 11:40

حج ویزے کے علاوہ مکہ میں ہوٹل بکنگ نہ کی جائے، سعودی وزارت سیاحت

ریاض (اُردو پوائنٹ اخبارتازہ ترین - این این آئی۔ 25 اپریل2025ء)سعودی عرب کی وزارت سیاحت نے ٹور آپریٹرز کو ہدایت کی ہے کہ اندرون یا بیرون مملکت سے حج ویزے کے علاوہ کسی اور ویزے پر آنے والوں کے لیے یکم ذی القعدہ ( 29 اپریل 2025 )سے مکہ مکرمہ میں رہائش کی بکنگ نہ کی جائے۔

(جاری ہے)

عرب ٹی وی کے مطابق 29 اپریل 2025 سے حج سیزن کے باقاعدہ آغاز پر وزارت سیاحت نے تمام ٹور آپریٹرز کو سختی سے ہدایت کی ہے کہ ایسے غیرملکی جن کے پاس مکہ پرمٹہے یا حج ویزے پر آنے والے عازمین کے علاوہ کسی کے لیے بھی مکہ مکرمہ کے کسی ہوٹل میں ٹھہرنے کی بکنگ نہ کی جائے بصورت دیگر خلاف ورزی ریکارڈ ہونے پر ادارہ اس کا ذمہ دار قرار پائے گا۔

وزارتِ داخلہ کی جانب سے یہ احکامات بیرون مملکت سے آنے والے عازمین حج کو سہولت فراہم کرنے کی غرض سے صادر کیے گئے ہیں تاکہ شہرِ مکہ میں غیر ضروری ازدحام نہ ہو اور عازمین آرام و سکون سے زیادہ سے زیادہ وقت عبادت میں گزار سکیں ۔