روس کا یوکرین کے دارالحکومت پر میزائل حملہ، 12 افراد ہلاک

روس نے حملے میں شمالی کوریا کا بیلسٹک میزائل استعمال کیا، غیرملکی میڈیا

جمعہ 25 اپریل 2025 12:35

کیف /ماسکو(اُردو پوائنٹ اخبارتازہ ترین - این این آئی۔ 25 اپریل2025ء)روس کی جانب سے یوکرین کے دارالحکومت کیف پر میزائل حملہ کیا گیا جس کے نتیجے میں 12 افراد ہلاک، 10 لاپتہ اور 90 زخمی ہوگئے۔

(جاری ہے)

میڈیارپورٹس کے مطابق یوکرین حکام نے بتایاکہ روس نے کیف کے ضلع سویا ٹوشینسکی میں ایک رہائشی عمارت کو نشانہ بنایا جس کے باعث عمارت تباہ ہوگئی جس کے بعد کئی افراد ملبے تلے دب گئے۔

رپورٹ کے مطابق حملے کے بعد عمارت میں آگ لگ گئی۔ روس نے حملے میں شمالی کوریا کا بیلسٹک میزائل استعمال کیا۔ان حملوں میں مزدوروں کو لے جانے والی بس کو نشانہ بنایا گیا جس میں 9 افراد ہلاک جبکہ 40 زخمی ہوئے۔یوکرین کے صدر زیلنسکی نے واقعے کہ شدید مذمت کرتے ہوئے کہا ہے کہ یہ حملہ ایک جنگی جرم ہے جو شہریوں کے خلاف کیا گیا ہے۔