سی پی او راولپنڈی(آج)ڈی ایس پی آفس صدر سرکل،ڈی ایس پی آفس سول لائنز ،تھانہ ویمن میں کھلی کچہری کا انعقاد کریں گے

جمعہ 25 اپریل 2025 19:20

راولپنڈی(اُردو پوائنٹ اخبارتازہ ترین - این این آئی۔ 25 اپریل2025ء)سی پی او سید خالد ہمدانی (آج)ہفتہ کوڈی ایس پی آفس صدر سرکل،ڈی ایس پی آفس سول لائنز سرکل اور تھانہ ویمن میں کھلی کچہری کا انعقاد کریں گے۔

(جاری ہے)

تفصیلات کے مطابق آئی جی پنجاب ڈاکٹر عثمان انور کے ویژن کے مطابق سی پی او سید خالد ہمدانی مورخہ 26 اپریل 2025 بروز ہفتہ بوقت 12 بجے دن ڈی ایس پی آفس صدر سرکل،بوقت 1 بجے دن ڈی ایس پی آفس سول لائنز سرکل اور بوقت 1/45 بجے دن تھانہ ویمن میں کھلی کچہری کا انعقاد کریں گے، شہریوں سے التماس ہے کہ وہ تھانہ صدر بیرونی، روات، چونترہ، دھمیال، چکری اور ڈی ایس پی آفس صدر سے متعلق شکایات کے لیے ڈی ایس پی آفس صدر سرکل تھانہ سول لائنز،چکلالہ،مورگاہ اور ڈی ایس پی آفس سول لائنز سے متعلق شکایات کے لیے ڈی ایس پی آفس سول لائنز خواتین تھانہ ویمن سے متعلق شکایات کے سلسلہ میں تھانہ ویمن میں کھلی کچہری میں شرکت کریں،شہریوں کی شکایات کے فوری حل کو یقینی بنایا جائے گا، شہریوں کی شکایات کا بروقت ازالہ اولین ترجیح ہے ۔