ڈی جی فوڈ اتھارٹی عاصم جاوید کا بھیرہ موٹروے سروس ایریا پر کریک ڈاؤن

43فوڈ پوائنٹس کی چیکنگ،3کو 1لاکھ 45ہزار کے جرمانے عائد، 40کو نوٹس جاری غیر معیاری آئل، ایکسپائر پانی، باسی سبزیاں اور ڈرنکس تلف کر دی گئیں ‘ ڈی جی فوڈ اتھارٹی عاصم جاوید

جمعہ 25 اپریل 2025 20:10

لاہور (اُردو پوائنٹ اخبارتازہ ترین - این این آئی۔ 25 اپریل2025ء)مسافروں کے لیے موٹرویز قیام و طعام پر معیاری اشیاء کی فراہمی کے لیے ڈی جی فوڈ اتھارٹی عاصم جاوید نے بھیرہ موٹروے سروس ایریا پر کریک ڈاؤن کیا جس میں 43فوڈ پوائنٹس کی چیکنگ کی گئی اور 3فوڈ پوائنٹس کو 1لاکھ 45ہزار کے جرمانے عائد جبکہ 40کو وارننگ نوٹسسز جاری کیے، غیر معیاری آئل، ایکسپائر پانی، باسی سبزیاں اور ڈرنکس تلف کردی گئیں۔

جاری تفصیلات میں بتایا گیا کہ حفضان صحت کے اصولوں کی سنگین خلاف ورزیوں پر ایکشن لیا گیا، صفائی کے ناقص انتظامات، ملازمین کے میڈیکل عدم موجود پائے گئے، لازم ریکارڈ عدم موجود،سابقہ ہدایات کی خلاف ورزی کی جا رہی تھی، گندے فریزر میں گوشت اور ڈیری اشیاء اکٹھی رکھی پائی گ?یں، کچن ایریا میں مکھیوں، مچھروں، چھکلیوں کی بھرمار،تیار کھانا بغیر ڈھانپے رکھا پایا گیا، فوڈ ہینڈلرز کی ہائجین صفر، باسی سبزیوں سے اشیاء تیار کی جارہی تھی۔

(جاری ہے)

ڈی جی فوڈ اتھارٹی عاصم جاوید کے مطابق موٹر ویز، بس سٹینڈ، لاری اڈے، جی ٹی روڈ پر موجود فوڈ پوائنٹس کی سرپرائز چیکنگ کی جارہی ہے، لاہور سمیت صوبہ بھر میں معیاری خوراک کی فراہمی اولین ترجیح ہے، موٹر ویز پر غیر منظور شدہ اشیاء کی فروخت پر سخت پابندی عائد ہے، دوران سفرخوراک سے متعلق شکایات کی صورت میں1223پر اطلاع دیں۔