Live Updates

ویمنز ورلڈکپ، بھارتی بورڈ پاکستانی ٹیم کو اپنے گروپ میں شامل کرنے سے گھبرانے لگا

بی سی سی آئی کی جانب سے انٹرنیشنل کرکٹ کونسل کو خط لکھے جانے کا امکان : رپورٹس

ذیشان مہتاب ہفتہ 26 اپریل 2025 10:37

ویمنز ورلڈکپ، بھارتی بورڈ پاکستانی ٹیم کو اپنے گروپ میں شامل کرنے سے ..

لاہور (اردو پوائنٹ تازہ ترین اخبار ۔ 26 اپریل 2025ء ) پہلگام واقعہ کے بعد بھارتی کرکٹ بورڈ (بی سی سی آئی) ویمنز ورلڈکپ 2025ء پاکستان ویمن ٹیم اپنے گروپ میں شامل کرنے سے گھبرانے لگا۔

بھارتی ویب سائٹ ’کرک بز‘ کی رپورٹ کے مطابق پہلگام واقعے کے بعد پاکستان ویمنز ٹیم کی ورلڈکپ 2025ء میں کوالیفکیشن نے بھارت کو پریشانی میں مبتلا کردیا ہے، بھارتی کرکٹ بورڈ (بی سی سی آئی) میگا ایونٹ کیلئے پاکستان اور ہندوستان کی ٹیموں کو ایک گروپ میں شامل نہ کرنے کیلئے آئی سی سی کو خط لکھ سکتا ہے۔

رپورٹ میں کہا گیا ہے کہ رواں برس مینز مقابلوں کا کوئی بڑا ایونٹ شیڈول نہیں ہے تاہم 2025ء میں ویمنز کا ون ڈے ورلڈکپ ستمبر اکتوبر میں ہندوستان میں کھیلا جائے گا۔

پاکستان نے میگا ایونٹ کیلئے کوالیفائی کرلیا ہے اور گرین شرٹس اپنے تمام مقابلے نیوٹرل وینیو پر کھیلے گی۔

(جاری ہے)

بھارتی کرکٹ بورڈ (بی سی سی آئی) نے پہلگام واقعہ کے بعد موقف اپنایا ہے کہ ہماری حکومت جو کہے گی، ہم وہی کریں گے، پاکستان سے کرکٹ تعلقات کے درمیان حکومتی ہدایات کو نظر انداز نہیں کیا جائے گا۔

بی سی سی آئی کے نائب صدر راجیو شکلا کا کہنا تھا کہ ہم پہلگام واقعہ کے متاثرین کے ساتھ ہیں، پاکستان کیساتھ دوطرفہ سیریز نہیں کھیلیں گے لیکن آئی سی سی ایونٹس میں پاکستان کیخلاف ہماری ٹیم میدان میں اُترے گی۔