لاہور ہائیکورٹ میں رواں ہفتے پرنسپل سیٹ پر مقدمات کی سماعت کیلئے ترمیمی روسٹر جاری

چیف جسٹس مس عالیہ نیلم ،جسٹس عبہر گل خان پر مشتمل بنچ پر قسم کے کیسوں پر سماعت کرے گا

اتوار 27 اپریل 2025 12:25

لاہور(اُردو پوائنٹ اخبارتازہ ترین - این این آئی۔ 27 اپریل2025ء)چیف جسٹس لاہور ہائیکورٹ جسٹس مس عالیہ نیلم کی منظوری کے بعد روا ں ہفتے پرنسپل سیٹ پر مقدمات کی سماعت کیلئے ترمیمی روسٹر جاری کردیا گیا۔ پرنسپل سیٹ پر11 ڈویژن بنچ سول اور فوجداری جبکہ 28سنگل بنچ حکم امتناعی، ضمانت، اندراج مقدمہ سمیت کیسز کی سماعت کریں گے۔

(جاری ہے)

چیف جسٹس لاہور ہائیکورٹ جسٹس مس عالیہ نیلم اور جسٹس عبہر گل خان پر مشتمل بنچ پر قسم کے کیسوں پر سماعت کرے گا،جسٹس عابد عزیز اور جسٹس رسال حسن سید پر مشتمل بنچ ٹیکس ،جسٹس شمس محمود مرزا اور جسٹس ساجد محمود سیٹھی پر مشتمل بنچ بینکنگ،کمرشل ،جسٹس شہباز رضوی اور جسٹس طارق سلیم شیخ پر مشتمل بنچ نیب اور کریمنل ،جسٹس فیصل زمان اور جسٹس خالد اسحاق پر مشتمل بنچ سول ،جسٹس شاہد کریم اور جسٹس راحیل کامران پر مشتمل بنچ کمرشل اپیلوں،جسٹس چوہدری محمد اقبال اور جسٹس وقار حیدر اعوان پر مشتمل بنچ سول اپیلوں،جسٹس شہرام سرور چوہدری اور جسٹس سردار اکبر ڈوگر پر مشتمل بنچ قتل کیسوں کی اپیلوں،جسٹس فاروق حیدر اور جسٹس علی ضیا ء باجوہ پر مشتمل بنچ فوجداری اور نارکوٹکس ،جسٹس محمد طارق ندیم اور جسٹس راجہ غضنفر علی خان پر مشتمل بنچ فوجداری جبکہ جسٹس سلطان تنویر احمد اور جسٹس حسن نواز مخدوم پر مشتمل بنچ بینکنگ اور کمرشل اپیلوں پر سماعت کرے گا۔