مدینہ بس نیٹ ورک میں توسیع، مزید 9 روٹس کا اضافہ

منگل 29 اپریل 2025 10:20

مدینہ منورہ (اُردو پوائنٹ اخبارتازہ ترین - اے پی پی۔ 29 اپریل2025ء) مدینہ ڈویلپمنٹ اتھارٹی نے پبلک ٹرانسپورٹ پروگرام کے تحت شہر میں بس نیٹ ورک میں توسیع کا اعلان کیا ہے ،جس کے تحت مزید 9 روٹس کا اضافہ کیا گیا ہے۔ اردو نیوز کے مطابق مدینہ ڈویلپمنٹ اتھارٹی نے کہا ہے کہ یکم مئی سے مدینہ بس سروس (حافلات المدینہ) کے لیے 9 نئے روٹس کا اضافہ کیا گیا ہے جس کے بعد روٹس کی مجموعی تعداد 15 تک ہو جائے گی۔

بس نیٹ ورک میں اضافہ عازمین حج کی آمد اور مسجد نبوی کے زائرین اور رہائشیوں کو بہتر سہولت فراہم کرنے کے لئے کیا جا رہا ہے۔

(جاری ہے)

توسیع شدہ بس نیٹ ورک میں 177 بسیں ہوں گی جو 639 کلو میٹر کے ٹریکس پر چلیں گی۔ شہر کے مختلف علاقوں میں بس سٹیشنز کی مجموعی تعداد 455 ہے جن میں 195 سٹیشنز مشترکہ ہیں۔مدینہ ڈویلپمنٹ اتھارٹی نے کہا کہ اہم اور مصروف علاقوں کے لئے 5 روٹس پر 24 گھنٹے بسیں چلائی جائیں گی جبکہ باقی روٹس پر روزانہ 15 سے 22 گھنٹے تک سروس فراہم کی جائے گی۔ یہ منصوبہ نجی گاڑیوں پر انحصار کم کرنے، ٹریفک اژدحام سے لوگوں کو بچانے اور کاربن کے اخراج میں کمی کے لئے کیا گیا ہے۔ بس سروس عازمین اور مسجد نبوی کے زائرین کو تیز اور محفوظ ٹرانسپورٹیشن کی سہولت فراہم کرے گی۔

Facebook Twitter Google + Share on Whatsapp

مدینہ بس نیٹ ورک میں توسیع، مزید 9 روٹس کا اضافہ

متعلقہ عنوان :

مزید بین الاقوامی خبریں