معذور افراد کے قانون پر عملدرآمد نہ ہونے کیخلاف درخواست پر فریقین سے مزید دلائل طلب

منگل 29 اپریل 2025 16:08

لاہور (اُردو پوائنٹ اخبارتازہ ترین - این این آئی۔ 29 اپریل2025ء) لاہور ہائیکورٹ نے معذور افراد کے قانون پر عملدرآمد نہ ہونے کے خلاف درخواست پر فریقین سے مزید دلائل طلب کر لیے ۔ہائیکورٹ کے جسٹس خالد اسحاق نے درخواست پر سماعت کی ۔

(جاری ہے)

جس میں موقف اختیار کیا گیا کہ معذور افراد کی فلاح و بہبود کے لیے 2022میں قانون بنایا گیا،قانون بننے کے بعد ابھی تک رولز نہیں بنائے گئے،قانون کے مطابق نوکریوں میں کوٹہ پر بھرتیاں نہیں کی جا رہیں،معذور افراد کو اداروں اور مختلف مقامات پر سہولیات فراہم نہیں کی جا رہیں،عدالتی حکم کے باوجود معذور افراد کے قانون پر عملدرآمد نہیں کیا جا رہا۔ استدعا ہے کہ معذور افراد کے حوالے سے قانون پر عملدرآمد نہ کرنے پر وضاحت طلب کرے ۔