بوئنگ طیارے وصول نہ کرنے کی وجہ امریکی کسٹم ڈیوٹیز ہیں،چین

منگل 29 اپریل 2025 16:20

بیجنگ(اُردو پوائنٹ اخبارتازہ ترین - این این آئی۔ 29 اپریل2025ء)چین نے کہا ہے کہ بوئنگ طیاروں کی وصولی روک دینے کی وجہ امریکی اضافی کسٹم ڈیوٹیز ہے۔عرب ٹی وی کے مطابق یہ بات چین کی وزارتِ تجارت کے ترجمان نے منگل کو بیان میں کہی۔

(جاری ہے)

انہوں نے کہا کہ چین کی جانب سے بوئنگ طیاروں کی وصولی روک دینے کی وجہ امریکا کی عائد کردہ اضافی کسٹم ڈیوٹی ہے۔انہوں نے کہا کہ یہ اضافی ڈیوٹیاں عالمی صنعتی و سپلائی چین کے استحکام کو شدید خطرے میں ڈال چکی ہیں، جس سے بین الاقوامی ہوائی نقل و حمل کی مارکیٹ میں خلل پیدا ہوا ہے اور متعدد کمپنیوں کے لیے معمول کے مطابق کام کرنا مشکل ہو گیا ہے۔