Live Updates

ٹیلنٹ ہنٹ پروگرام شروع ، ملک بھر میں 1847 سکولوں اور کالجوں نے رجسٹریشن کرا لی

منگل 29 اپریل 2025 23:38

لاہور(اُردو پوائنٹ اخبارتازہ ترین - این این آئی۔ 29 اپریل2025ء) پی سی بی کے تحت پاکستان کرکٹ کی تاریخ کا سب سے بڑا ٹیلنٹ ہنٹ پروگرام شروع ہو گیا ہے،ملک بھر میں 1847 سکولوں اور کالجوں نے ٹیلنٹ ہنٹ پروگرام میں اب تک رجسٹریشن کروا لی ہے۔سکولز اور کالجز کے لئے رجسٹریشن کرانے کی آخری تاریخ 10 مئی مقرر کی گئی ہے اور رجسٹریشن مکمل ہونے کے بعد تمام تعلیمی ادارے ایک ماہ کے اندر اپنے کھلاڑی رجسٹرڈ کراسکیں گے۔

(جاری ہے)

سکول و کالج https://registration.pcb.com.pk/پر 10 مئی تک رجسٹریشن کرا سکتے ہیں۔ ڈائریکٹر ڈومیسٹک کرکٹر عبداللہ خرم نیازی نے کہا ہے کہ ٹیلنٹ ہنٹ پروگرام میں سکولوں و کالجوں کی دلچسپی خوش آئند ہے اور اس پروگرام سیکرکٹ کا نیا ٹیلنٹ سامنے آئے گا۔انہوں نے کہا کہ پاکستان کرکٹ بورڈ کی اولین ترجیح ہے کہ نچلی سطح پر کرکٹ کو منظم کیا جائے جن میں تعلیمی اداروں میں کھیلی جانے والی کرکٹ نمایاں اہمیت رکھتی ہے۔