نیشنل ویمنز ٹی ٹوئنٹی ٹورنامنٹ کی تیاریاں،5 ٹیموں میں جوڑ پڑے گا

چیئرمین پی سی بی کی ہدایت پر خواتین کھلاڑیوں کے لئے فٹنس ٹیسٹنگ پروگرام کا انعقاد ،100 سے زائد خواتین کھلاڑیوں نے حصہ لیا

منگل 29 اپریل 2025 23:40

لاہور (اُردو پوائنٹ اخبارتازہ ترین - این این آئی۔ 29 اپریل2025ء)نیشنل ویمنز ٹی ٹوئنٹی ٹورنامنٹ کی تیاریاں عروج پر پہنچ گئیں، 5 ٹیموں میں جوڑ پڑے گا۔چیئرمین پی سی بی کی ہدایت پر خواتین کھلاڑیوں کے لئے فٹنس ٹیسٹنگ پروگرام کا انعقاد کیا گیا،7 بڑے شہروں میں 100 سے زائد خواتین کھلاڑیوں نے فنٹس ٹیسٹنگ پروگرام میں حصہ لیا۔

(جاری ہے)

لاہور، کراچی، پشاور، کوئٹہ، ملتان، اسلام آباد اور بہاولپور میں خواتین کھلاڑیوں کے لئے فٹنس ٹیسٹنگ پروگرام کا انعقاد کیا گیا۔نیشنل ویمنز ٹی ٹوئنٹی ٹورنامنٹ کے تمام میچز کراچی میں کھیلے جائیں گے،پری ٹورنامنٹ کیمپ 3 مئی سے 6 مئی تک جاری رہے گا۔نیشنل ویمنز ٹی ٹوئنٹی ٹورنامنٹ کے میچز کا باقاعدہ آغاز 7 مئی کو ہو گا اور فائنل 24 مئی کو کھیلا جائے گا۔