ڈسٹرکٹ پولیس آفیسر سیالکوٹ کا تھانہ بڈیانہ میں کھلی کچہری کا انعقاد،شہریوں کے مسائل سن کر ازالہ کیلئے احکامات جاری

منگل 29 اپریل 2025 23:42

سیالکوٹ (اُردو پوائنٹ اخبارتازہ ترین - اے پی پی۔ 29 اپریل2025ء) ڈسٹرکٹ پولیس آفیسر سیالکوٹ فیصل شہزاد نے یونین کونسل دفتر اڈہ بڈیانہ تھانہ بڈیانہ میں کھلی کچہریوں کا انعقاد کیا اور شہریوں کے مسائل سن کر ازالہ کیلئے احکامات جاری کیے۔ترجمان سیالکوٹ پولیس کے مطابق ڈی پی او سیالکوٹ نےلوگوں کے مسائل دریافت کئے اور متعلقہ ایس ایچ اوز کو فوری انصاف کے احکامات جاری کیے اور جلد رپورٹس جمع کروانے کی ہدایات بھی جاری کیں۔

(جاری ہے)

انہوں نے زیادہ تر لوگوں کے مسائل موقع پر ہی حل کردئیے اور کھلی کچہری میں موجود لوگوں نے ڈی پی اوکو تالیاں بجا کر خراج تحسین پیش کیا۔ڈی پی او نے کہا کہ لوگوں کو جلد انصاف کی فراہمی ہماری اولین ترجیح ہے اور لوگوں کے مسائل حل کرکے مجھے جلد رپورٹ پیش کی جائے۔انہوں نے مزید کہا کہ کھلی کچہری کا سلسلہ جاری رہے گا،جرائم پیشہ عناصر کو کسی قسم کی رعایت نہیں دی جائے گی اور علاقے سے جرائم کا خاتمہ کیا جائے گا

متعلقہ عنوان :