مبینہ خاندانی رنجش پرملزمان نے خاتون کو چھ گولیاں مار کر قتل کردیا

خاتون کی چھ ماہ قبل دوسری شادی ہوئی تھی، واقعہ خاندانی رنجش کا نتیجہ قرار

بدھ 30 اپریل 2025 18:07

کراچی(اُردو پوائنٹ اخبارتازہ ترین - این این آئی۔ 30 اپریل2025ء)شہر قائد کے علاقے احسن آباد فیز 3 سیکٹر 4 کے قریب فائرنگ سے خاتون جاں بحق ہوگئی۔ ریسکیو ذرائع کے مطابق مسلح ملزمان نے گھر میں داخل ہو کر خاتون کو 6 گولیاں ماریں جس سے وہ موقع پر ہی دم توڑ گئی۔پولیس کے مطابق مذکورہ مکان صالح محمد نامی شخص کی ملکیت ہے، جس نے مقتولہ خاتون سے تقریبا چھ ماہ قبل دوسری شادی کی تھی۔

(جاری ہے)

واردات کے وقت ملزمان نے صالح محمد کی پہلی بیوی کو ایک کمرے میں بند کر دیا تھا۔ابتدائی تحقیقات میں پولیس کا کہنا ہے کہ متاثرہ خاندان کا تعلق مانسہرہ سے ہے اور واقعہ بظاہر خاندانی رنجش کا شاخسانہ معلوم ہوتا ہے۔ پولیس کا کہنا ہے کہ لاش کو اسپتال منتقل کر دیا گیا ہے اور کرائم سین یونٹ کی مدد سے جائے وقوعہ سے شواہد اکٹھے کررہے ہیں، واقعے کی تمام پہلوں سے تحقیقات جاری ہیں۔