Live Updates

پاکستان سمیت دنیا بھر میں عالمی یوم مزدور(کل ) یکم مئی کو منایا جائیگا

۱ملک بھر میں آج عام تعطیل کا اعلان کیا گیا ہے ،سرکاری و نجی دفاتر، تعلیمی ادارے اور مارکیٹیں بند رہیں گی

بدھ 30 اپریل 2025 21:35

فیصل آباد (اُردو پوائنٹ اخبارتازہ ترین - آن لائن۔ 30 اپریل2025ء)پاکستان سمیت دنیا بھر میں عالمی یوم مزدور(آج ) یکم مئی کو منایا جائیگا،ملک بھر میں کل عام تعطیل کا اعلان کیا گیا ہے ،سرکاری و نجی دفاتر، تعلیمی ادارے اور مارکیٹیں بند رہیں گی، آن لا ئن کے مطا بق عالمی یوم مزدور منانے کا مقصد مزدور طبقہ کیساتھ اظہار یکجہتی، ان کے مسائل کے خاتمہ اور سہولیات کی فراہمی کے حوالہ سے شعور اجاگر کرنا ہے۔

انٹر نیشنل لیبر آرگنائزیشن کے زیر اہتمام مزدور طبقہ کے مسائل کے تدارک کیلئے کوششیں جاری ہیں۔واضح رہے کہ 1889 میں ریمنڈ لیوین کی تجویز پر 1890میں پہلی مرتبہ یکم مئی کو یکم مزدور منانے کا اعلان کیا گیا تھا، جس کے بعد ہر سال دنیا بھر یہ دن منایا جاتا ہے۔

(جاری ہے)

حکومت پاکستان یکم مئی 1972کو پہلی مرتبہ باضابطہ طور پر سرکاری سطح پر یکم مئی کو محنت کشوں کا دن قرار دیا تھا، جس کے بعد ہر سال یکم مئی کو ملک بھر عام تعطیل کی جاتی اور پاکستان کے تمام محنت کش فیصل آباد سمیت دنیا بھر کے محنت کشوں سیمل کر مزدور طبقہ کی جدوجہد کو کامیاب بنانے کیلئے 1886کو شکاگو میں اپنی جانوں کا نذرانہ پیش کرنے والوں کو خراج عقیدت پیش کرتے ہیں،عالمی یوم مزدور کے موقع پر فیصل آباد سمیت ملک بھر میں مختلف تقریبات،سیمینارز، ریلیوں، جلسوں،جلوسوں اور واک کا اہتمام کیا جائیگا۔