ڈیٹنگ خبروں کے بیچ چہل کی ہیٹرک‘ آر جے مہوش کا ردعمل وائرل

میں نے صرف کھیل کا جوش بیان کیا تھا لیکن چہل نے ہیٹ ٹرک کرکے لمحہ یادگار بنادیا‘آر جے مہوش

جمعرات 1 مئی 2025 12:08

ڈیٹنگ خبروں کے بیچ چہل کی ہیٹرک‘ آر جے مہوش کا ردعمل وائرل

نئی دہلی (اُردو پوائنٹ اخبارتازہ ترین - این این آئی۔ 01 مئی2025ء)انڈین پریمئیر لیگ (آئی پی ایل) میں پنجاب کنگز کی نمائندگی کرنیوالے یوزویندر چہل کی چنائی سپر کنگز کیخلاف ہیٹرک کے بعد آر جے مہوش کا ردعمل وائرل ہوگیا۔گزشتہ روز پنجاب کنگز نے چنائی سپر کنگز کو ہوم گراؤنڈ پر 4 وکٹوں سے شکست دی تھی، اس میچ میں یوزویندر چہل ہیٹرک اسکور کی، انہوں نے دیپک ہودا، انشول کمبوج اور نور احمد کی وکٹیں لیں۔

یوزویندر چہل کی یہ انڈین پریمئیر لیگ (آئی پی ایل) میں پہلی ہیٹرک تھی۔

(جاری ہے)

میچ کے بعد یوزویندر چہل کی ہیٹرک پر آر جے مہوش نے ردعمل دیا جو سوشل میڈیا پر وائرل ہوگیا۔انہوں نے کہا کہ میں نے صرف کھیل کا جوش بیان کیا تھا لیکن چہل نے ہیٹ ٹرک کرکے لمحہ یادگار بنادیا۔واضح رہے کہ اہلیہ دھناشری ورما سے طلاق کی خبروں کے بیچ کرکٹر یوزویندر چہل کو چیمپئینز ٹرافی کے فائنل کے دوران اپنی دوست آر جے مہوش کیساتھ دیکھا گیا تھا جس کی تصاویر و ویڈیوز وائرل ہوئیں تھی۔بعدازاں دونوں کو کئی مقامات پر ایک ساتھ دیکھا گیا تاہم دونوں نے اپنے تعلقات کو محض دوستی ٹھہرایا تاہم مداح انکے رشتے کو دوستی سے زیادہ قرار دے رہے ہیں۔