Live Updates

پی ایس ایل: شاہین اور حارث نے ایک ہی میچ میں 300، 300 ٹونٹی ٹونٹی وکٹیں مکمل کرلیں

شاہین نے کیریئر کے 216 ویں اور حارث نے 228 ویں میچ میں 300 وکٹیں لینے کا کارنامہ سرانجام دیا

ذیشان مہتاب جمعرات 1 مئی 2025 11:25

پی ایس ایل: شاہین اور حارث نے ایک ہی میچ میں 300، 300 ٹونٹی ٹونٹی وکٹیں ..

لاہور (اردو پوائنٹ تازہ ترین اخبار ۔ یکم مئی 2025ء ) پاکستان سپر لیگ (پی ایس ایل) کے 10ویں ایڈیشن میں اسلام آباد یونائیٹڈ کیخلاف میچ میں لاہور قلندرز کے فاسٹ بولرز شاہین شاہ آفریدی اور حارث روف نے اہم سنگ میل عبور کرلیا۔

گزشتہ روز لاہور کے قذافی اسٹیڈیم میں کھیلے گئے ایونٹ کے 19 ویں میچ میں اسلام آباد یونائیٹڈ کی ٹیم 210 رنز کے تعاقب میں 121 رنز پر ڈھیر ہوگئی، اس میچ میں شاہین شاہ آفریدی اور حارث رؤف نے ٹی20 کیرئیر میں 300، 300 وکٹیں لینے کا کارنامہ سرانجام دیا۔

(جاری ہے)

شاہین آفریدی نے کیرئیر کے 216 ویں اور حارث رؤف نے 228 ویں میچ میں 300 وکٹیں لینے کا کارنامہ سرانجام دیا۔

شاہین آفریدی ٹی20 کرکٹ میں 300 وکٹیں مکمل کرنے والے تیز ترین پاکستانی بولر بن گئے جبکہ حارث رؤف یہ اعزاز حاصل کرنے والے دوسرے تیز ترین پاکستانی بولر بنے۔

اس سے قبل محمد عامر اور وہاب ریاض کے پاس مشترکہ طور پر یہ اعزاز تھا، دونوں نے 256 اننگز میں یہ سنگ میل عبور کیا تھا۔

واضح رہے کہ شاہین آفریدی ٹی20 کرکٹ میں 300 وکٹیں لینے والے دنیا کے چوتھے تیز ترین بولر بھی ہیں۔