سندر انڈسٹریل اسٹیٹ میں ابتدائی طور پر منسوخ شدہ 11 پلاٹس کی بحالی

منیجنگ ڈائریکٹر سائرہ عمر کی قیادت میں پنجاب سمال انڈسٹریز کارپوریشن نے ایک کروڑ بیس لاکھ روپے وصول کر لیے

جمعہ 2 مئی 2025 18:05

لاہور(اُردو پوائنٹ اخبارتازہ ترین - این این آئی۔ 02 مئی2025ء)پنجاب سمال انڈسٹریز کارپوریشن نے سندر انڈسٹریل اسٹیٹ میں 11 صنعتی پلاٹس بحال کر دیئے ہیں، جو ابتدائی طور پر انتظامی فیصلے کے تحت منسوخ کیے گئے تھے۔ بعد ازاں تفصیلی جائزے اور جانچ کے بعد ان کی بحالی عمل میں آئی۔

(جاری ہے)

منیجنگ ڈائریکٹر سائرہ عمر کی سربراہی میں پلاٹ بحالی کمیٹی نے 26 الاٹیوں کی شکایات پر متعدد میٹنگز، سائٹ معائنے اور گوگل میپس کی مدد سے تصدیق کے بعد فیصلہ کیا۔ پلاٹس کی بحالی کے ساتھ الاٹیوں سے بقایاجات کی ادائیگی کروا کر ادارے نے ایک کروڑ بیس لاکھ روپے وصول کیے۔یہ پیش رفت ادارے کی شفافیت اور فعال قیادت کی مظہر ہے۔