گھوڑوں پر حج کا سفر، 4 عازمین یورپ سے سعودی عرب پہنچ گئے

اتوار 4 مئی 2025 11:25

میڈرڈ(اُردو پوائنٹ اخبارتازہ ترین - این این آئی۔ 04 مئی2025ء)سپین سے گھوڑوں پر سوار تین عازمین حج 8 ہزار کلومیٹر کی مسافت طے کر کے مملکت کے سرحدی علاقے میں داخل ہوگئے۔عرب ٹی وی کے مطابق سپین سے تعلق رکھنے والے تین عازمین نے آبا و اجداد کی یادیں تازہ کرنے کے لیے گھوڑوں پر فریضہ حج کی ادائیگی کے لیے اندلس سے مکہ مکرمہ تک کے سفر کا آغاز تقریبا 8 ماہ قبل کیا تھا۔

اس کی منصوبہ بندی 35 سال سے کی جارہی تھی یہ خواب پورا ہوگیا۔

(جاری ہے)

عازمین حج شام ، اردن اور ترکیہ کی سرحدی علاقوں سے ہوتے ہوئے یکم مئی 2025 کو القریات کے سرحدی چیک پوسٹ الحدیثہ پر پہنچے جہاں علاقے کی شخصیات نے ان کا استقبال کیا اور ضیافت کا بھی اہتمام کیا گیا۔عازمیں کا کہنا تھا کہ انہیں راستے میں کافی سختیاں بھی دیکھیں خاص کر موسم سرما عروج پر تھا تاہم جس جذبے سے ہم نے اپنے سفر کا آغاز کیا تھا اس نے ہمیں برفانی ہواوں میں بھی گرمائے رکھا۔انہوں نے بتایا کہ اردن پہنچنے پر ہمارا شاندار استقبال کیا گیا ہم جہاں سے گزرتے لوگ ہم پر پھولوں کی پتیاں نچھاور کرتے تھے۔