یوکرین نے روس کا جدید ترین طیارہ تباہ کردیا

آپریشن روسی بندرگاہی شہر نووروسیسک کے قریب سمندری علاقے میں کیا گیا، رپورٹ

اتوار 4 مئی 2025 13:05

کیف (اُردو پوائنٹ اخبارتازہ ترین - این این آئی۔ 04 مئی2025ء)یوکرین کی جانب سے روس کے جنگی طیارے کو مار گرانے کا دعوی کیا گیا ہے۔ یوکرین کا کہنا ہے کہ یہ دنیا میں سمندری ڈرون سے جنگی طیارے کو گرانے کا پہلا واقعہ ہے۔غیرملکی میڈیا رپورٹس کے مبطابق یوکرینی فوجی انٹیلی جنس ایجنسی جی یو آر نے گزشتہ روز بیان جاری کرتے ہوئے کہا کہ اس نے ایک روسی Su-30 جنگی طیارے کو سمندری ڈرون سے داغے گئے میزائل کے ذریعے تباہ کر دیا ہے، جو اس کے مطابق دنیا میں پہلی بار کسی بحری ڈرون کے ذریعے جنگی طیارے کو نشانہ بنانے کا واقعہ ہے۔

(جاری ہے)

حکام کا کہنا تھا کہ یہ آپریشن روسی بندرگاہی شہر نووروسیسک سے تقریبا 50 کلومیٹر مغرب میں واقع سمندری علاقے میں کیا گیا۔انٹیلی جنس ایجنسی نے سوشل میڈیا پر جاری کردہ بیان میں کہا ہے کہ یہ آپریشن روسی بندرگاہی شہر نووروسیسک سے تقریبا 50 کلومیٹر مغرب میں واقع سمندری علاقے میں کیا گیا۔روسی وزارتِ دفاع نے یوکرین کے حملہ کرنے کے دعوے پر کوئی تبصرہ نہیں کیا تاہم وزارت دفاع امور سے آگاہ ایک روسی بلاگر نے اس دعوے کی تصدیق کی ہے۔دوسری جانب روس کے مقامی حکام نے بتایا کہ یوکرینی ڈرون حملے کے نتیجے میں ایک اناج ٹرمینل اور متعدد رہائشی عمارتیں متاثر ہوئیں۔