بابل خان نے اننیا پانڈے، شنایا کپور اور دیگر کو بدتمیز قرار دے دیا

بابل خان کی زاروقطار روتے ہوئے ویڈیو وائرل، انسٹاگرام اکانٹ بھی ڈیلیٹ کر دیا

پیر 5 مئی 2025 11:33

بابل خان نے اننیا پانڈے، شنایا کپور اور دیگر کو بدتمیز قرار دے دیا

ممبئی (اُردو پوائنٹ اخبارتازہ ترین - این این آئی۔ 05 مئی2025ء)بالی وڈ کے لیجنڈ اداکار عرفان خان کے بیٹے اور ابھرتے ہوئے فنکار بابل خان نے سوشل میڈیا پر ایک جذباتی طوفان برپا کردیا ہے۔ ان کی ایک ویڈیو، جس میں وہ بے قابو ہوکر روتے ہوئے بالی ووڈ انڈسٹری پر برس پڑتے ہیں، وائرل ہوگئی ہے۔بابل خان کی یہ بے باک ویڈیو ابتدائی طور پر ان کی انسٹاگرام اسٹوری پر پوسٹ کی گئی تھی، مگر کچھ ہی دیر بعد نہ صرف ویڈیو ہٹا دی گئی بلکہ ان کا پورا انسٹاگرام اکانٹ بھی ڈیلیٹ کردیا گیا۔

ویڈیو میں بابل واضح طور پر دل شکستہ اور ذہنی دبا میں نظر آتے ہیں۔ وہ بالی ووڈ کو ایک بکواس اور مصنوعی دنیا قرار دیتے ہیں، جہاں زیادہ تر لوگ دکھاوا کرتے ہیں۔ انہوں نے کئی مشہور شخصیات کا نام لے کر ان پر سخت تنقید کی۔

(جاری ہے)

ان میں اننیا پانڈے، شنایا کپور، ارجن کپور، سدھانت چترویدی، راگھو جویال، آدرش گورو اور یہاں تک کہ مقبول گلوکار اریجیت سنگھ بھی شامل تھے۔

بابل خان نے کہا میں صرف یہ کہنا چاہتا ہوں کہ یہ سب لوگ، ہاں شنایا، اننیا، ارجن، سدھانت، راگھو، آدرش، اور حتی کہ اریجیت بھی... یہ سب بہت بدتمیز ہیں۔ بالی ووڈ ایک بہت خراب جگہ ہے۔ویڈیو کے وائرل ہوتے ہی مداحوں اور سوشل میڈیا صارفین میں تشویش کی لہر دوڑ گئی۔ کئی صارفین نے بابل کی ذہنی حالت پر فکرمندی ظاہر کی، تو کچھ نے بولی وڈ انڈسٹری کی منافقت اور چمک دمک کے پیچھے چھپے سچ پر تنقید کی۔

ویڈیو کے چند گھنٹوں کے اندر ہی بابل خان نے اپنا انسٹاگرام اکانٹ بھی بند کردیا، جس سے یہ قیاس آرائیاں مزید بڑھ گئیں کہ شاید وہ کسی ذاتی یا پروفیشنل بحران کا شکار ہیں۔دلچسپ بات یہ ہے کہ بابل خان نے حال ہی میں ایک فلم لاگ آٹ میں کام کیا تھا، جو ڈیجیٹل دنیا کی اندھی ریس، ذہنی دبا اور شہرت کی حقیقت پر مبنی ہے۔ اس فلم میں ان کا کردار بھی ایک سوشل میڈیا انفلوئنسر کا ہے، جو فالوورز کے جنون میں اپنی اصل پہچان کھو بیٹھتا ہے۔ابھی تک بابل خان یا ان کی ٹیم کی جانب سے اس ساری صورتحال پر کوئی باضابطہ بیان سامنے نہیں آیا، مگر سوشل میڈیا پر بابل کے حق میں ہمدردی اور حمایت کا سلسلہ جاری ہے۔