Live Updates

معروف مزاح نگار،اداکار و شاعر اطہر شاہ خان جیدی کی پانچویں برسی 10مئی کو منائی جائے گی

پیر 5 مئی 2025 20:36

جہانیاں(اُردو پوائنٹ اخبارتازہ ترین - آن لائن۔ 05 مئی2025ء)معروف مزاح نگار،اداکار و شاعر اطہر شاہ خان جیدی کی پانچویں برسی 10مئی کو منائی جائے گی اطہر شاہ خان 1943ء میں رام پور میں پیدا ہوئے وہ اپنے تخلیق کردہ مزاحیہ کردار ’’جیدی‘‘ سے پہچانے جاتے ہیں۔ اطہر شاہ خان نے ٹیلی وژن اور اسٹیج پر بطور نگار اپنے تخلیقی کام کا آغاز کیا۔ ان کے تحریر کردہ مزاحیہ ڈراموں نے بے پناہ مقبولیت حاصل کی ا،طہر شاہ خان کے معروف ڈارمہ سیریلز میں انتظار فرمائیے، ہیلو ہیلو اور ہائے جیدی شامل ہیں۔

کئی فلموں میں بھی اداکاری جوہر دکھائے۔ اطہر شاہ خان مزاحیہ شاعری بھی کرتے ہیں اور ’’جیدی‘‘ تخلص کرتے ہیں۔ حکومت پاکستان نے ان کی خدمات کے اعتراف کے طور پر انہیں پرائیڈ آف پرفارمنس ایوارڈ سے نوازا گیا۔

(جاری ہے)

اپنے تخلیق کردہ مزاحیہ کردار ''جیدی'' سے پہچانے جاتے تھے۔مزاحیہ شاعری میں بھی ''جیدی'' تخلص کرتے۔ پاکستان ٹیلی وژن کے پیش کردہ مزاحیہ مشاعروں کے سلسلہ ''کشت زعفران'' سے مزاحیہ شاعری میں مقبولیت حاصل کی۔

اطہر شاہ خان کی سپرہٹ ڈرامہ سیریلز میں انتظار فرمائیے، ہیلو ہیلو، جانے دو، برگر فیملی، آشیانہ، آپ جناب، جیدی اِن ٹربل، پرابلم ہاؤس، ہائے جیدی، کیسے کیسے خواب، با اًدب با ملاحظہ ہوشیار اور دیگر شامل ہیں۔انتظار فرمائیے، وہ سیریل تھی جس نے اطہر شاہ خان کو ’جیدی‘ بنا کر شہرت کی بلندیوں پر پہنچا دیا تھا۔اطہر شاہ خاں جیدی10مئی2020ء کو جہان فانی سے رخصت ہو گئے ۔