فیصل آباد،دو گروپوں میں فائرنگ‘ گولیاں لگنے سے دو کزن بری طرح زخمی ہو گئے

پیر 5 مئی 2025 21:52

فیصل آباد (اُردو پوائنٹ اخبارتازہ ترین - آن لائن۔ 05 مئی2025ء)تھانہ سرگودھا روڈ کے علاقہ گلستان کالونی میں واقع سنوکر کلب میں دو گروپوں میں فائرنگ‘ گولیاں لگنے سے دو کزن بری طرح زخمی ہو گئے، مضروبان کو طبی امداد کی غرض سے ہسپتال پہنچا دیا گیا، ملزمان ہوائی فائرنگ اور دھمکیاں دیتے ہوئے فرار ہو گئے۔

(جاری ہے)

بتایا جاتا ہے کہ تھانہ سرگودھا روڈ کے علاقہ گلستان کالونی میں عزیز فاطمہ ہسپتال کے قریب سنوکر کھیلتے ہوئے دو گروپوں میں تلخ کلامی ہوئی تو مشتعل ملزمان نے طیش میں آ کر فائرنگ شروع کر دی تو گولیاں لگنے سے 24سالہ اویس ولد خالد رضا اور اس کا کزن حیدر علی ولد عبدالستار بری طرح زخمی ہو گئے تو حملہ آور ہوائی فائرنگ اور دھمکیاں دیتے ہوئے موقع سے فرار ہو گئے۔

بعدازاں مضروبان کو طبی امداد کی غرض سے الائیڈ ہسپتال داخل کروا دیا گیا۔ پولیس ذرائع کا کہنا ہے کہ درخواست پر کارروائی عملی میں لائی جائے گی۔