امریکا کے ساتھ بالواسطہ مذاکرات کا فیصلہ کرنا ابھی قبل از وقت ہے، ایران

امریکا کے ساتھ بالواسطہ مذاکرات کے راستے کا فیصلہ کرنا ابھی قبل از وقت ہے،خامنہ ای

منگل 6 مئی 2025 14:57

تہران(اُردو پوائنٹ اخبارتازہ ترین - این این آئی۔ 06 مئی2025ء)ایران نے کہا ہے کہ امریکا کے ساتھ بالواسطہ مذاکرات کا فیصلہ کرنا ابھی قبل از وقت ہے، حتمی جائزہ جاری کرنے سے پہلے تحمل اور پیش رفت پر نظر رکھنا ضروری ہے۔

(جاری ہے)

عرب ٹی وی کے مطابق یہ بات ایرانی سپریم لیڈر آیت اللہ سید علی خامنہ ای کے مشیر اور نظام کی مصلحت تشخیص کونسل کے رکن علی لاریجانی نے ایک بیان میں کہی۔انہوں نے کہا کہ امریکا کے ساتھ بالواسطہ مذاکرات کے راستے کا فیصلہ کرنا ابھی قبل از وقت ہے۔ ایرانی ویب سائٹ "جماران کے مطابق انہوں نے یہ بھی کہا ہے کہ کوئی حتمی جائزہ جاری کرنے سے پہلے تحمل اور پیش رفت پر نظر رکھنا ضروری ہے۔