مدینہ میں آپریشنز سینٹر 911 کا افتتاح کردیا گیا

مدینہ میں قائم یہ سینٹر 28 ایمرجنسی اور دیگر سروسز اداروں کو منسلک کرتا ہے،رپورٹ

منگل 6 مئی 2025 15:01

ریاض (اُردو پوائنٹ اخبارتازہ ترین - این این آئی۔ 06 مئی2025ء)سعودی وزیر داخلہ شہزادہ عبدالعزیز بن سعود بن نائف نے مدینہ میں نئے یونیفائیڈ سیکیورٹی آپریشنز سینٹر (911) کا افتتاح کردیا۔سعودی میڈیا کے مطابق اس موقع پر وزیرداخلہ نے یونیفائیڈ سیکیورٹی آپریشنز سینٹر میں مختلف جگہوں کا دورہ کیا۔ مدینہ میں قائم یہ سینٹر 28 ایمرجنسی اور دیگر سروسز اداروں کو منسلک کرتا ہے۔

(جاری ہے)

اس موقع پر سعودی وزیر نے ایک اور سروس کا بھی افتتاح کیا جس کے ذریعے فون کال پر واقعات کی اطلاع دیتے وقت لوگ جگہ کی تصاویر اور ویڈیوز بھی اپ لوڈ کر سکیں گے۔سعودی میڈیا کے مطابق اس سے ایکشن لینے اور مدد کا ٹائم تیز اور بہتر ہو جائے گا۔سعودی میڈیا کے مطابق یہ مملکت میں نیشنل سیکیورٹی آپریشن سینٹر کے تحت چوتھا سینٹر ہے۔ اس کے علاوہ ریاض، مکہ مکرمہ اور مشرقی صوبے میں پہلے سے یہ سینٹرز موجود ہیں۔