امریکہ کے ساتھ معاہدہ ہوا تو افزدوہ یورینیم بیرون ملک منتقل کردیں گے، حق سے دستبردار نہیں ہوں گے، ایران کا دوٹوک مؤقف

اتوار 29 جون 2025 11:05

نیویارک (اُردو پوائنٹ اخبارتازہ ترین - این این آئی۔ 29 جون2025ء)اقوام متحدہ میں ایران کے سفیر امیر سعید ایروانی نے اعلان کیا ہے کہ اگر ایران کے جوہری پروگرام کے حوالے سے امریکہ کے ساتھ کوئی معاہدہ طے پا جاتا ہے تو ایران افزودہ یورینیم کے اپنے ذخیرے کو کسی دوسرے ملک کو منتقل کر سکتا ہے۔ ایروانی نے وضاحت کی کہ 20 فیصد اور 60 فیصد افزودہ یورینیم کی منتقلی تہران کے لیے سرخ لکیر نہیں ہے۔

(جاری ہے)

انہوں نے مزید کہا کہ متبادل یہ ہے کہ اس ذخیرے کو بین الاقوامی ایٹمی توانائی ایجنسی کی نگرانی میں ایران کے اندر رکھا جائے۔تاہم امیر سعید ایروانی نے زور دے کر کہا کہ ایران یورینیم کی مقامی پیداوار کے اپنے حق سے دستبردار نہیں ہو گا اور اس شرط کو امریکہ نے سختی سے مسترد کر دیا ہے۔ انہوں نے ایران کے بیلسٹک میزائل پروگرام پر کسی قسم کی پابندیوں کو بھی مسترد کیا اور کہا کہ کسی بھی نئے معاہدے کا انحصار دیگر شرائط کے علاوہ ان کے ملک پر عائد بین الاقوامی پابندیوں کے خاتمے پر ہوگا۔