سٹریلوی فاسٹ بالر پٹ کمنز کا پشپا اسٹائل چھا گیا،ویڈیو وائرل

منگل 6 مئی 2025 23:32

نئی دہلی(اُردو پوائنٹ اخبارتازہ ترین - آن لائن۔ 06 مئی2025ء)آسٹریلوی فاسٹ بالر پٹ کمنز نے پشپا اسٹائل اپنالیا جس کی ویڈیو سوشل میڈیا پر وائرل ہوگئی۔انڈین پریمیئر لیگ (آئی پی ایل) کی فرانچائز سن رائزرز حیدرآباد کے کپتان اور آسٹریلوی فاسٹ بالر پٹ کمنز نے جنوبی بھارتی سپرہٹ فلم پشپا کے مشہور ڈائیلاگ ''جھکے گا نہیں'' کی نقل کر کے انٹرنیٹ پر دھوم مچادی۔

آئی پی ایل 2025ء کے اہم مقابلے سے قبل ان کے انٹرویو کی یہ دلچسپ ویڈیو وائرل ہوگئی ہے۔

(جاری ہے)

پٹ کمنز ایک بھارتی جرنلسٹ کے ساتھ خوشگوار گفتگو میں مصروف تھے، میزبان نے ان کو فلم پشپا کا مشہور ڈائیلاگ سکھانے کی کوشش کی، انہوں نے کئی بار ''جھکے گا نہیں'' بولنے کی کوشش کی، لیکن ہر بار مزاحیہ انداز میں ناکام ہوگئے۔پٹ کمنز ہنستے ہوئے کہا، میں اس میں بہت خراب ہوں، مجھے بہتر ہونا چاہیے۔

بالآخر جب ڈائیلاگ ادا کرنا مشکل ہوگیا، تو میزبان نے صرف پشپا کا مخصوص ہاتھ کا اسٹائل ہی کروایا جس پر کمنز نے آسانی کے ساتھ یہ ایکشن کرکے مداحوں کو محظوظ کیا۔واضح رہے کہ پیٹ کمنز آسٹریلیا کیلیے چیمپئنز ٹرافی 2025ء میں ٹخنے کی انجری کے باعث شرکت نہ کر سکے تھے، تاہم آئی پی ایل میں واپسی کے بعد وہ ٹیم کی کپتانی کر رہے ہیں۔