عازمین حج کو ہر ممکن سہولت فراہم کی جائے، سعودی ولی عہد کی ہدایت

بدھ 7 مئی 2025 08:20

ریاض (اُردو پوائنٹ اخبارتازہ ترین - اے پی پی۔ 07 مئی2025ء) سعودی ولی عہد شہزادہ محمد بن سلمان نے نے شاہ سلمان بن عبدالعزیز کی جانب سے دنیا بھر سے آنے والے عازمین حج کا مملکت میں خیرمقدم کیا ہے۔ خبررساں ایجنسی ایس پی اےکے مطابق ولی عہد کی زیر صدارت کابینہ کا ہفتہ وار اجلاس جدہ میں منعقد ہوا۔

(جاری ہے)

اجلاس میں شہزادہ محمد بن سلمان نے متعلقہ اداروں کو خصوصی ہدایت کرتے ہوئے کہا کہ ’مکہ مکرمہ ، مدینہ منورہ اور ایام حج کے دوران مشاعرمقدسہ میں اللہ کے مہمانوں کی خدمت میں کوئی کسر نہ رکھی جائے۔

عازمین حج کو ہر ممکن سہولت فراہم کی جائے۔وزیراطلاعات سلمان الدوسری کا کہنا تھا ’ اجلاس میں شرکا کو مملکت میں معاشی ترقی ، سرمایہ کاری میں ہونے والے اضافے اور ترقیاتی امور میں نجی شعبے کی شرکت کے حوالے سے آگاہ کیا گیا۔کابینہ نے اس بات کی تصدیق کی کہ گزشتہ برس 2024 میں تیل ماسوائے برآمدات میں خاطرخواہ اضافہ ہوا جس سے آمدنی کے مختلف ذرائع سامنے آئے جس سے سرمایہ کاری کے لیے بھی راہیں ہموار ہوئیں جو مملکت کے ویژن 2030 کے اہداف میں شامل ہے۔