وزیراعلی کا اہم فیصلہ،پنجاب بھر میں سول ڈیفنس اور ریسکیو 1122کی فرضی مشقیں شروع

راولپنڈی،مری،جہلم،چکوال،سرگودھا،نارووال،گوجرانوالہ،حافظ آباد سیالکوٹ میں سول ڈیفنس مشقیں شروع ساہیوال،پاکپتن،ملتان،خانیوال،مظفرگڑھ،لیہ،وہاڑی،حافظ آباد اور دیگر شہروں میں موک ایکسرسائز جاری رہی

جمعرات 8 مئی 2025 19:03

وزیراعلی کا اہم فیصلہ،پنجاب بھر میں سول ڈیفنس اور ریسکیو 1122کی فرضی ..

لاہور (اُردو پوائنٹ اخبارتازہ ترین - این این آئی۔ 08 مئی2025ء)وزیراعلیٰ پنجاب مریم نواز شریف نے اہم فیصلہ کرتے ہوئے پنجاب میں سول ڈیفنس اور ریسکیو 1122کی فرضی مشقیں شروع کرا دیں۔ صوبہ بھر میںمحکمہ سول ڈیفنس کو پوری طرح فعال کر تے ہوئے فرضی مشقوں کا آغاز کردیا گیا۔ صوبہ بھر کے چھوٹے بڑے شہر وں میں شہری دفاع کی مشقیں کی جارہی ہیں۔وزیراعلیٰ مریم نواز شریف نے ضلعی انتظامیہ کو سول ڈیفنس ایکسرسائز کی مانیٹرنگ کی ہدایت کی۔

(جاری ہے)

ریسکیو 1122 نے بھی مختلف شہروں میں موک ایکسرسائز کرنے کا آغاز کر دیا۔ ہنگامی حالات سے نمٹنے کیلئے اورخطرات سے بچاؤ کے لئے ریسکیو 1122کی فرضی مشقیں جاری ہیں۔کسی بھی ہنگامی صورتحال سے نمٹنے کیلئے سول ڈیفنس اور ریسکیو 1122کو ہمہ وقت مستعد رہنے کی ہدایت کی۔ہنگامی صورتحال میں سول ڈیفنس کے ذریعے شہریوں کی مدد اور رہنمائی کی جائے گی،راولپنڈی،مری،جہلم،چکوال، سرگودھا، نارووال، گوجرانوالہ، حا فظ آباد سیالکوٹ میں سول ڈیفنس مشقیں شروع ہیں۔ساہیوال،پاکپتن،ملتان، خانیوال،مظفرگڑھ، لیہ، وہاڑی،حافظ آباد اور دیگر شہروں میں موک ایکسرسائز جاری ہے۔