وزیراعلی مریم نواز نے6 لاکھ کاشتکاروں کیلئے کسان کارڈ کی منظوری دیدی

پیر 12 مئی 2025 19:18

لاہور (اُردو پوائنٹ اخبارتازہ ترین - اے پی پی۔ 12 مئی2025ء) وزیراعلی مریم نوازشریف نے6 لاکھ کاشتکاروں کو کسان کارڈ کے ذریعے فی ایکڑ 5ہزار روپے ویٹ سپورٹ پرائس کے اجراکی منظوری دیدی۔کسان کارڈ نہ رکھنے والے کاشتکاروں کو بھی فی ایکڑ5 ہزار سبسڈی دی جائے گی۔وزیراعلی مریم نواز نے خصوصی اجلاس کی صدارت کرتے ہوئے بتایاکہ کاشتکاروں کو اگلی فصل کیلئے بھی اربوں روپے سبسڈی دی جائے گی۔

(جاری ہے)

اجلاس کے شرکا کو بتایاگیا کہ کاشتکاروں نے 36ارب روپے زرعی مداخل خریدنے کیلئے استعمال کر لئے، کسان کارڈ سے زرعی مداخل کیلئے جاری قرض کی 60 فیصد واپسی مکمل ہوگئی۔کاشتکاروں نے کسان کارڈ کے زریعے لئے گئے 22 ارب کے قرض واپس کردئیے۔کاشتکاروں کو کسان کارڈ کے ذریعے نئی فصل کے لئے دوسری قسط کا اجرا کرلیا۔اجلاس میں بتایاگیاکہ ویٹ سپورٹ پروگرام کے لئے موصولہ 50 فیصد درخواستوں کی تصدیق کی۔وزیراعلی پنجاب مریم نواز کی زیر صدارت خصوصی اجلاس میں زرعی ٹیوب ویل کی سولرائزیشن کی سکیم کا جائزہ لیاگیا۔ویٹ سپورٹ پروگرام کے نفاذ کے لئے تجاویز پر غورکیاگیا۔زرعی زمین مالکان کے ساتھ ٹھیکیدار کو بھی شامل کرنے کا جائزہ لیاگیا۔