پاک فوج میں شامل جدید گن شپ ہیلی کاپٹر Z-10ME کن جنگی خصوصیات کا حامل ہے؟ تفصیلات جاری

راولپنڈی ( اُردو پوائنٹ اخبارتازہ ترین۔ 02 اگست 2025ء ) پاک فوج میں شامل جدید گن شپ ہیلی کاپٹر Z10ME کن جنگی خصوصیات کا حامل ہے؟ اس حوالے سے تفصیلات جاری کردی گئیں۔ مسلح افواج کے شعبہ تعلقات عامہ ( آئی ایس پی آر ) کے مطابق فیلڈ مارشل عاصم منیر کے ملتان گیریژن کے دورے کے موقع پر پاک فوج کے بیڑے میں جدید Z10ME اٹیک ہیلی کاپٹر شامل کیا گیا، یہ جدید اٹیک ہیلی کاپٹر ہر موسم میں اور رات میں بھی درست نشانہ لگانے کی صلاحیت رکھتا ہے، اس جدید نظام کی شمولیت پاک فوج کی ایوی ایشن کو جدید خطوط پر استوار کرنے کی جانب ایک اہم سنگِ میل ہے، چین کے تیار کردہ اس جدید ہیلی کاپٹر کو امریکی ساختہ اپاچی ہیلی کاپٹر کے ہم پلہ قرار دیا جا رہا ہے۔

بتایا گیا ہے کہ پاک آرمی ایوی ایشن کے ٹرائل کے نتیجے میں چین نے زی 10 ہیلی کاپٹر پر ستمبر 2018ء میں کچھ اپ گریڈز کے بعد Z10ME ہیلی کاپٹر ایکسپورٹ ورژن کے طور پر متعارف کرایا، اس ہیلی کاپٹر میں نئے ملی میٹر ویو ریڈار، نئے ویپنز اور پروڈکشن کے علاوہ الیکٹرانک تبدیلیاں کی گئیں، Z10ME کی کینن ماؤنٹک لوکیشن اور کیلیبر کو مزید بہتر بنایا گیا ہے، کینن کی بم وے کو پائلٹ کی ریئر سائیڈ پر منتقل کر دیا گیا جس سے ہیلی کاپٹر کی سینٹر آف گریویٹی کو مزید بہتر کرنے میں مدد ملی، اس جدیدی ہیلی کاپٹر کے 6 ایکسٹرنل ہاٹ پوائنٹس پر مختلف اقسام کے ائیر ٹو گراؤنڈ اور ائیر ٹو ائیر ویپن لگائے گئے ہیں، اس ہیلی کاپٹر پر 3 ٹن تک ویپن یا وار ہیڈ لے جایا جا سکتا ہے۔

(جاری ہے)

معلوم ہوا ہے کہ Z10ME کو جو تین چیزیں دیگر مد مقابل ہیلی کاپٹرز سے ممتاز کرتی ہیں ان میں چھوٹے کروز میزائل CM501XA سب سے اہم ہے، اس میزائل کو ناصرف جاسوسی بلکہ اسٹرائیک مشن کے لیے بھی استعمال کیا جا سکتا ہے، یہ ویپن افواج کو آپریشنل لچک فراہم کرتا ہے، اس کروز میزائل پر ایکس شیپ ریڈار موجود ہے جو کہ اس کی نقل و حرکت کی قابلیت کو بہتر بناتی ہے، اس میزائل کی سب سے اہم خصوصیت یہ ہے کہ جنگ کے دوران حساس نوعیت کے ایسے اہداف جن کو جلد نشانہ بنانا ضروری ہو ان کو ٹارگٹ کرنے یا پھر ریموٹ جیسا کہ میزائل لانچ وہیکلز اور ٹیکس کی معلومات ڈیٹا لنکس کے ذریعے پہنچا سکتا ہے، اس میزائل کا Z-10ME پر استعمال ہیلی کاپٹر کی فضائی صلاحیت کو بڑھا دے گا۔

آئی ایس پی آر کا کہنا ہے کہ ایس ڈبلیو 6 چھوٹے سائز کے جاسوسی اور بغیر پائلٹ وہیکل ہے جسے ہیلی کاپٹر پر بھی لانچ کیا جا سکتا ہے، ہیلی کاپٹر سے لانچ کے بعد یہ یو اے وی آپریشن مشن انفرادی طور پر انجام دے سکتی ہے، ایس ڈبلیو وی 6 یو اے وی ایک اعشاریہ 6 میٹر لمبی اور اس کا ونگ اسپین 2 اعشاریہ 4 میٹر ہے، ایس ڈبلیو وی 20 کلو گرام وزن کے ساتھ 5 کلو گرام اسپیئر لوڈ اٹھا سکتی ہے، اس کی کروزنگ اسپیڈ 80 سے لیکر 100 کلو میٹر فی گھنٹہ ہے اور یہ ایک گھنٹے تک مسلسل اڑنے کی صلاحیت رکھتی ہے، CM501XA اور ایس ڈبلیو 6 کی وجہ سے Z10ME جیسے ہیلی کاپٹر کامبیٹ مشن کو بہتر طریقے سے انجام دے سکتے ہیں، یہی اشتراک اس ہیلی کاپٹر کو مزید خطرناک بناتا ہے۔

بتایا جارہا ہے کہ Z10ME کا ایک اور اہم ہتھیار اس کا اینٹی سب میرین وار فیئر ET60 لائٹ ویٹ تارپیڈو ہے، یہ ہیلی کاپٹر اس لائٹ ویٹ تار پیڈو کو اٹھا کر لے جانے کی صلاحیت رکھتا ہے، فش فائٹ کے نام سے جانے والے ET60 کی رفتار 50 کلو میٹر فی گھنٹہ اور رینج 25 کلو میٹر ہے، اس کے علاوہ Z10ME پر دیگر ہتھیار جیسے کہ ٹی وائے 90 ائیر ٹو ائیر میزائلز کو بھی لے جایا کا سکتا ہے، سی ایم 502 اے جی ائیر ٹو گراؤنڈ میزال بھی شامل ہے، امریکی ساختہ ہیل فائر یعنی اے جی ایل 114 ایل کے ہم پلہ کے وی ایکس فائر اینڈ ارگیٹ میزائل بھی اس ہیلی کاپٹر کے ساتھ جوڑا جا چکا ہے۔

اس کے علاوہ گائیڈڈ اور ان گائیڈڈ میزال بھی اس اٹیک ہیلی کاپٹر کے پیکج میں شامل ہیں، Z10ME کو طاقتور انجن ڈبلیو زی نائن سے بہتر کیا گیا ہے، یہ انجن ہیلی کاپٹر کو 1200 سے 1300 کلو واٹ کی طاقت فراہم کرتا ہے، اس لیے یہ ہیلی کاپٹر اپنے بیس ویرینٹ سے کم از کم 30 فیصد زیادہ طاقت رکھتا ہے، اس انجن اپ گریڈیشن کی بدولت ناصرف Z10ME کی فلائٹ پرفارمنس بہتر ہوئی ہے بلکہ اس کی ہتھیار لوڈ کرنے کی صلاحیت اور مضبوط پاور ٹو ویٹ ریشو کی بدولت اس کی ہائی ٹمپریچر اور بلند پہاڑی علاقوں میں جنگی صلاحیت بھی بہتر ہوئی ہے۔

یہ بھی پتا چل ہے کہ Z10ME کے انجن ان ٹیک اور ایگزاسسٹ سسٹم میں بھی بہتری لائی گئی ہے، انجن ان ٹیک میں نئے ڈیزائن سینٹری فیوگل سیپریشن سینڈ فلٹرز کو انسٹال کیا گیا ہے جبکہ لارجر ائیر ان ٹیک اور کسی بھی بیرونی آبجیکٹ سے زیادہ بہتر بچاؤ اس ہیلی کاپٹر کو ریگستان اور مٹی کے طوفان والے علاقوں میں بھی بہتر آپریٹ کرنے کی صلاحیت فراہم کرتے ہیں، جدید لڑاکا ہیلی کاپٹر کی انجن ایگزاسسٹ پوڈ کو بھی اپ ورڈ فیس ان کردیا گیا ہے تاکہ اس کے انفراریڈ سگجیچر کو کم سے کم کیا جا چکے، اس تبدیلی سے بیس ویرینٹ کے مقابلے میں Z10ME کو دشمن کے انفراریڈ گائیڈڈ میزائل سے ہٹ ہونے کے امکانات کو کم سے کم ہونے میں مدد ملی ہے، موجودہ دور میں شولڈر شارٹ رینج انفرا ریڈ اینٹی ائیر کرافٹ میزائل کو ہیلی کاپٹر کا سب سے بڑا دشمن قرار دیا جاتا ہے۔