آئی ایل ٹی ٹونٹی سیزن 4کا اعلان

امارات کے قومی دن 2دسمبر 2025سے شروع ہوگا

بدھ 14 مئی 2025 17:05

دبئی(اُردو پوائنٹ اخبارتازہ ترین - این این آئی۔ 14 مئی2025ء)آئی ایل ٹی ٹونٹی کے 20سیزن4کی تاریخ کا اعلان کردیا گیا ۔منگل 2دسمبر 2025کو متحدہ عرب امارات کے قومی دن (عید الاتحاد)سے ہوگا ٹورنامنٹ میں 6ٹیموں حصہ لیں گے ،34میچوں پر مشتمل اس سیزن کا فائنل اتوار 4جنوری 2026ء کو کھیلا جائے گا۔ خلیجی خطے کی سب سے بڑی ٹی ٹونٹی لیگ اپنے روایتی وقت جنوری ، فروری کی بجائے دسمبر ، جنوری میں ہورہی کیونکہ آئی سی سی مینز ٹی ٹونٹی ورلڈ کپ فروری-مارچ 2026ء میں کھیلا جائے گا۔

آئی ایل ٹی ٹونٹی کے چیئرمین اور امارات کرکٹ بورڈ کے وائس چیئرمین خالد الزرعونی نے کہا کہ انہیں اس بات اعلان کرتے ہوئے خوشی ہورہی کہ آئی ایل ٹی ٹونٹی کا آغاز امارات کے قومی دن عید الاتحاد سے ہوگا جو ملک کے اہم ترین دنوں میں سے ایک ہے۔

(جاری ہے)

ڈی پی ورلڈ آئی ایل ٹی ٹونٹی کے سیزن 3میں کچھ بڑے ٹی ٹونٹی اسٹارز نے حصہ لیا جن میں ، نکولس پورن، سیم کرن (ٹورنامنٹ کے بہترین کھلاڑی ۔

ریڈ بیلٹ فاتح)، شائی ہوپ (ٹورنامنٹ میں سب سے زیادہ رنز ۔ گرین بیلٹ فاتح)، فضل حق فاروقی (سب سے زیادہ وکٹیں لینے والے ۔ وائٹ بیلٹ فاتح)، آندرے رسل، سنیل نارائن، جیسن ہولڈر، ایلکس ہیلز، فخر زمان، لوکی فرگوسن، ڈیوڈ وارنر، روومین پاول، داسن شناکا، رحمان اللہ گرباز، جیمز ونس، شمرون ہیٹمائر، ٹام بینٹن، روماریو شیفرڈ،ٹم سائوتھی، ٹم سیفرٹ، میتھیو ویڈ، جیسن رائے، عادل رشید اور ایڈم زامپا شامل تھے۔دبئی کیپیٹلز نے اتوار 9فروری 2025کو دبئی انٹرنیشنل اسٹیڈیم میں سنسنی خیز فائنل میں ڈیزرٹ وائپرز کو شکست دیکر ٹرافی اپنے نام کی تھی۔