Live Updates

ہاکی ایشیاکپ: بھارت نے پاکستان کو ایونٹ سے باہر کرنے کا منصوبہ بنالیا، پی ایچ ایف خاموشی تماشائی

ایشین ہاکی فیڈریشن نے ابھی تک اس صورتحال پر کوئی تبصرہ نہیں کیا، بھارتی حکام ویزا اور پاکستانی ٹیم کو ٹورنامنٹ کا حصہ نہیں دیکھنا چاہتے

ذیشان مہتاب جمعرات 15 مئی 2025 14:39

ہاکی ایشیاکپ: بھارت نے پاکستان کو ایونٹ سے باہر کرنے کا منصوبہ بنالیا، ..

لاہور (اردو پوائنٹ تازہ ترین اخبار ۔ 15 مئی 2025ء ) مینز ہاکی ایشیاءکپ 2025ء سے پاکستان کو باہر کرنے کیلئے بھارت نے تیاریاں مکمل کرلیں۔

میڈیا رپورٹس کے مطابق مینز ہاکی ایشیاء کپ رواں برس اگست اور ستمبر میں بھارت کے شہر راجگیر میں شیڈول ہے، یہ ٹورنامنٹ ہاکی ورلڈکپ 2026ء کی کوالیفکیشن کا اہم ذریعہ ہے۔

پہلگام واقعہ کے بعد بھارت اور پاکستان کے درمیان بڑھتی سفارتی کشیدگی کے بعد بھارت نے پاکستانی ٹیم کو دوٹوک انداز میں ویزا دینے سے انکار کردیا تھا تاہم اب ٹورنامنٹ سے گرین شرٹس کو باہر کیے جانے کا امکان ہے۔

ایشین ہاکی فیڈریشن (اے ایچ ایف) نے ابھی تک اس صورتحال پر کوئی تبصرہ نہیں کیا ہے تاہم بھارتی حکام ویزا اور پاکستانی ٹیم کو ٹورنامنٹ کا حصہ نہیں دیکھنا چاہتے۔

(جاری ہے)

دوسری جانب پاکستان ہاکی فیڈریشن (پی ایچ ایف) کی جانب سے صورتحال پر تاحال کوئی موقف سامنے نہیں آیا ہے۔

رپورٹس میں کہا گیا ہے کہ بھارتی حکومت کی جانب سے باضابطہ طور پر ٹورنامنٹ میں پاکستانی ٹیم کی شرکت کے حوالے سے کوئی بیان سامنے نہیں آیا ہے۔

3 بار ایشیا کپ ٹائٹل جیتنے والی پاکستانی ٹیم کا ریکارڈ نہایتی شاندار رہا ہے، مینز ہاکی ٹیم نے 12 ایونٹس میں سے 11 میں شرکت کی ہے جو کسی بھی ٹیم سے زیادہ ہیں۔