شکیب الحسن کی 8 سال بعد پی ایس ایل میں واپسی

ٹورنامنٹ کے بقیہ میچز کیلئے فرنچائز نے اپنے اسکواڈ کا حصہ بنا لیا

ذیشان مہتاب جمعرات 15 مئی 2025 14:13

شکیب الحسن کی 8 سال بعد پی ایس ایل میں واپسی

لاہور (اردو پوائنٹ تازہ ترین اخبار ۔ 15 مئی 2025ء ) پاکستان سپر لیگ (پی ایس ایل) کے 10ویں ایڈیشن کے بقیہ میچز کیلئے لاہور قلندرز نے 8 سال کے طویل عرصے بعد بنگلادیش کے اسٹار اسپنر شکیب الحسن کو اپنے اسکواڈ کا حصہ بنالیا۔

پاک بھارت کشیدگی کے بعد پی ایس ایل کے بقیہ میچز کا آغاز 17 مئی سے ہوگا جبکہ ایونٹ کا فائنل 25 مئی کو لاہور کے تاریخی قذافی اسٹیڈیم میں منعقد ہوگا۔

(جاری ہے)

بنگلادیشی میڈیا نے شکیب الحسن کے پی ایس ایل میں شامل ہونے کی تصدیق کرتے ہوئے کہا کہ شکیب نے 2017ء میں آخری بار پشاور زلمی کی طرف سے لیگ میں حصہ لیا تھا جبکہ 2016ء میں کراچی کنگز کا حصہ تھے، یہ ان کی ٹورنامنٹ میں 8 سال بعد واپسی ہے۔

شکیب الحسن پی ایس ایل فرنچائز لاہور قلندرز میں بنگلادیش کے ساتھی کرکٹر رشاد حسین کے ہمراہ ایکشن میں دیکھائی دینگے۔

اسٹار کرکٹر نے 6 ماہ قبل آخری میچ کھیلا تھا جبکہ آخری بین الاقوامی میچ بنگلادیش کیلئے ایشیا کپ میں کھیلا تھا۔