شام کی تعمیر نو اور جمہوریت کی جانب پیش رفت میں ہرممکن مدد کریں گے، جرمنی

شام میں سیاسی انتقالِ اقتدار کا عمل جامع اور سب کو شامل کرنے والا ہونا چاہیے،وزارت خارجہ

جمعرات 15 مئی 2025 13:58

برلن (اُردو پوائنٹ اخبارتازہ ترین - این این آئی۔ 15 مئی2025ء)جرمنی نے ایک بار پھر اس عزم کا اظہار کیا ہے کہ وہ اپنے شراکت داروں کے ساتھ مل کر شام کے عوام کو اپنے وطن کی ازسرِنو تعمیر اور ایک آزاد و جمہوری مستقبل کے قیام میں مدد فراہم کرے گا۔

(جاری ہے)

میڈیارپورٹس کے مطابق جرمن وزارتِ خارجہ نے ایکس پلیٹ فارم پر جاری کردہ بیان میں کہا کہ بشارالاسد رجیم کے سقوط کے بعد سے جرمنی مالیات، نقل و حمل اور توانائی کے شعبوں میں عائد پابندیوں کے خاتمے کی حمایت کرتا رہا ہے۔

جرمنی نے اس بات پر بھی زور دیا کہ وہ شامی حکومت کے ساتھ مل کر شام میں معاشی حالات کو بہتر بنانے کے لیے کام کرتا رہے گا تاکہ ایک پائیدار معاشی بحالی ممکن بنائی جا سکے۔ساتھ ہی یہ بھی کہا گیا کہ شام میں سیاسی انتقالِ اقتدار کا عمل جامع اور سب کو شامل کرنے والا ہونا چاہیے۔