میکسیکو،ٹک ٹاک بیوٹی انفلوئنسر لائیو اسٹریم کے دوران قتل

جمعرات 15 مئی 2025 14:29

میکسیکو سٹی (اُردو پوائنٹ اخبارتازہ ترین - این این آئی۔ 15 مئی2025ء)میکسیکو میں معروف ٹک ٹاک بیوٹی انفلوئنسر کو لائیو اسٹریم کے دوران فائرنگ کر کے قتل کردیا گیا۔غیرملکی خبررساں ادارے کے مطابق میکسیکو کے شہر زاپوپان میں 23 سالہ والیریا مارکیز کو اس وقت گولی مار دی گئی جب وہ اپنے بیوٹی سیلون سے ٹک ٹاک پر لائیو اسٹریم کر رہی تھیں۔

(جاری ہے)

لائیو اسٹریم کے دوران انہوں نے ایک پارسل وصول کیا اور کیمرے کے سامنے واپس آئیں مگر چند لمحوں بعد وہ اپنی کرسی پر خون میں لت پت گر گئیں اور لائیو ویڈیو جاری رہی۔پولیس کے مطابق فائرنگ کرنے والا ایک ملزم سیلون میں داخل ہوا اور والیریا پر فائرنگ کر دی، یہ واقعہ ایک مشتبہ فیمیسائیڈ (Femicide) ہے، یعنی کسی خاتون کو صنفی بنیاد پر قتل کرنا۔