قراقرم انٹرنیشنل یونیورسٹی میں انفیکشیس ویسٹ مینجمنٹ پر آگاہی سیشن کاانعقاد

جمعرات 15 مئی 2025 23:18

گلگت (اُردو پوائنٹ اخبارتازہ ترین - اے پی پی۔ 15 مئی2025ء) قراقرم انٹرنیشنل یونیورسٹی میں انفیکشیس ویسٹ مینجمنٹ پر آگاہی سیشن کاانعقاد کیاگیا۔سیشن کا مقصدطلبہ کو محفوظ ماحول برقرار رکھنے اور مناسب انداز میں انفیکشیس ویسٹ تلف کرنے کی تکنیکوں کے ذریعے اپنے آپ سمیت خاندان کو انفیکشن سے بچانے کے بارے میں آگاہی دینا تھا۔کے آئی یوشعبہ تعلقات عامہ کے مطابق سیشن کے اختتامی تقریب میں کے آئی یو کے وائس چانسلر پروفیسر ڈاکٹر عطاء اللہ شاہ اور کمشنر گلگت سردار اسد ہارون نے خصوصی طور پر شرکت کی۔

اپنے خطاب میں وائس چانسلر اور کمشنر گلگت نے سالڈ ویسٹ مینجمنٹ با لخصوص انفیکشیس ویسٹ مینجمنٹ کی اہم اہمیت پر زور دیا۔ انہوں نے کہاکہ اس طرح کے خطرناک مواد کو غلط طریقے سے ہینڈل کرنا صحت عامہ کے لیے ایک سنگین خطرہ ہے جس سے کمیونٹی میں خطرناک بیماریاں پھیلنے کا امکان ہے۔

(جاری ہے)

انہوں نے قراقرم سوسائٹی آف مائیکرو بایولوجی شعبہ انیمل سائنسز کی طرف سے اس طرح کے ایک اہم اور متعلقہ مسئلے پر سیشن منعقد کرنے کے اقدام کو سراہا۔

انہوں نے علاقے میں بیداری پیدا کرنے اور ذمہ دارانہ طریقوں کو فروغ دینے میں شعبے کی کوششوں کو سراہا۔ان سے قبل شعبہ اینمل سائنسز کی چیئرپرسن ڈاکٹر ثمینہ ممتاز ودیگر مقررین نے صحت مند کمیونٹی کو فروغ دینے میں کردار پر زور دیااورسیشن کو آگاہی بڑھانے کے لیے معاون قرار دیا۔سیشن کا انعقاد شعبہ انیمل سائنسز نے قراقرم سوسائٹی آف مائیکرو بیالوجی نے کیاتھا۔

Facebook Twitter Google + Share on Whatsapp

قراقرم انٹرنیشنل یونیورسٹی میں انفیکشیس ویسٹ مینجمنٹ پر آگاہی سیشن کاانعقاد

متعلقہ عنوان :

مزید تعلیم کی خبریں