میٹرک ٹیک کے بعد انٹرٹیک کا نصاب بھی متعارف کروانے کا فیصلہ

نصاب کی تیاری پرکام شروع ،آئندہ تعلیمی سال کیلئے انٹر ٹیک پارٹ ون کا نصاب تیار کیا جائیگا

بدھ 6 اگست 2025 16:44

میٹرک ٹیک کے بعد انٹرٹیک کا نصاب بھی متعارف کروانے کا فیصلہ

لاہور(اُردو پوائنٹ اخبارتازہ ترین - این این آئی۔ 06 اگست2025ء)میٹرک ٹیک کی کامیابی کے بعد پنجاب کریکولم اینڈ ٹیکسٹ بک اتھارٹی اور پنجاب ووکیشنل ٹریننگ کونسل نے انٹر ٹیک کا نصاب متعارف کروانے کا فیصلہ کر لیا ہے۔

(جاری ہے)

اس مقصد کے لیے نصاب کی تیاری پر باضابطہ کام شروع کر دیا گیا ہے،آئندہ تعلیمی سال کے لیے انٹر ٹیک پارٹ ون کا نصاب تیار کیا جائے گا،تعلیمی سال 2027 کے لیے پارٹ ٹو کا سلیبس تیار کیا جائے گا۔اس وقت میٹرک ٹیک میں طلبا ء کو ایگریکلچر، انفارمیشن ٹیکنالوجی ، فیشن ڈیزائننگ، ہیلتھ سائنسز شعبوں کی تعلیم دی جا رہی ہے۔نصاب مکمل ہونے کے بعد ہائر سیکنڈری اسکولوں میں انٹر ٹیک کی کلاسز کا باقاعدہ آغاز کیا جائے گا۔