ٹاپ سیڈڈ جینک سنر اٹالین اوپن ٹینس مینز سنگلز سیمی فائنل میں پہنچ گئے

جمعہ 16 مئی 2025 11:00

روم (اُردو پوائنٹ اخبارتازہ ترین - اے پی پی۔ 16 مئی2025ء) اٹلی کے نامور ٹینس سٹار اور ایونٹ کے ٹاپ سیڈڈ جینک سنر اور امریکا کے ٹینس کھلاڑی ٹومی پال اپنی عمدہ کارکردگی کی بدولت اے ٹی پی اٹالین اوپن ٹینس ٹورنامنٹ میں مردوں کے سنگلز مقابلوں کے سیمی فائنل میں پہنچ گئے ۔ 23 سالہ اٹلی کے ٹینس سٹار جینک سنرنے مردوں کے ٹاپ 8 میچ میں ناروے کے حریف کھلاڑی کیسپر رڈ کو شکست دی جبکہ امریکی ٹینس کھلاڑی ٹومی پال نے مینز سنگلز مقابلوں کے کوارٹر فائنل میچ میں پولینڈ کے حریف کھلاڑی ہیوبرٹ ہرکاز کو شکست دی ۔

اٹالین اوپن ٹینس ٹورنامنٹ کے کانٹے دار مقابلوں کا سلسلہ اٹلی میں جاری ہے جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔

(جاری ہے)

مردوں کے سنگلز مقابلوں کے کوارٹر فائنل رائونڈ میچ میں 23 سالہ اٹلی کے ٹینس سٹار جینک سنرنے انتہائی شاندار کارکردگی کا مظاہرہ کرتے ہوئے مردوں کے کوارٹر فائنل میچ میں ناروے کے حریف کھلاڑی کیسپر رڈ کو سٹریٹ سیٹس میں 0-6اور1-6 سے ہرا کر ٹاپ فور رائونڈ کے لئے کوالیفائی کرلیا۔27 سالہ امریکی ٹینس سٹار ٹومی پال نے عمدہ کھیل پیش کرتے ہوئے پولینڈ کے حریف کھلاڑی ہیوبرٹ ہرکاز کو ٹائی بریک پر سٹریٹ سیٹس میں 6-7(4-7)اور3-6 سے شکست دے کر اگلے رائونڈ کے لئے کوالیفائی کرلیا۔ \932