فیصل آباد ریجنل پولیس نے رواں سال کے دوران 182 گینگز اور 4336 اشتہاریوں سمیت سینکڑوں جرائم پیشہ افراد کو گرفتار کرلیا

جمعہ 16 مئی 2025 12:10

مکوآنہ (اُردو پوائنٹ اخبارتازہ ترین - این این آئی۔ 16 مئی2025ء)فیصل آباد ریجنل پولیس نے رواں سال کے دوران 182 گینگز اور 4336 اشتہاریوں سمیت سینکڑوں جرائم پیشہ افراد کو گرفتار کرلیا۔ تفصیلات کے مطابق آرپی او فیصل آباد ذیشان اصغر کی زیر قیادت ریجن فیصل آباد پولیس کی رواں سال میں جرائم پیشہ عناصر کے خلاف کارروائیاں جاری ہیں۔ ترجمان رضوان بھٹی نے بتایا کہ ریجن فیصل آباد میں پولیس نے رواں سال 2025ء کے دوران 182خطرناک گینگز گرفتار کیا،گرفتار گینگز کے 482 ملزمان کو حراست میں لیکر1510مقدمات کو یکسو کیا گیا۔

ملزمان کے قبضہ سے 34وہیکلز، 754موٹرسائیکلز،63تولے طلائی زیور ات، 180عدد موبائل فون،216مویشی اور تقریباً131,309,516 روپے سے زائد نقدی برآمد کی گئی۔ منشیات فروشوں کے خلاف2750 مقدمات درج کرتے ہوئے 2795 ملزمان گرفتار کیا گیا۔

(جاری ہے)

ملزمان کے قبضہ سے چرس1008کلوگرام،آئس22کلوگرام،180کلو گرام ہیروئن،202کلوگرام افیون اورشراب 35009 لیٹربرآمد کی گئی۔ ناجائز اسلحہ رکھنے والوں کے خلاف کاروائیوں میں 2363 افراد کیخلاف کارروائی کرکے مقدمات درج کئے گئے۔

ملزمان کو گرفتار کرکے ان کے قبضے سے 1942 پسٹل،15ریوالور، 202 بندوقیں، 61 کلاشنکوف، 142رائفل اور8343 گولیاں برآمد کی گئیں۔ترجمان نے مزید بتایا کہ ریجنل پولیس نے انسداد جرائم کو کنٹر ول کر نے کے ساتھ ساتھ کیٹگری A کے 1206 اور کیٹگری B کے 3130مجرمان اشتہاری گرفتار کئے۔ آر پی او فیصل آباد نے اس حوالے سے کہا کہ قانون کی بالادستی اور شہریوں کے جان و مال کے تحفظ کیلئے بھر پور ایکشن جاری ہے۔

سٹریٹ کرائم بالخصوص ڈکیتی و راہزنی،ہاؤس رابری کے خاتمہ اور اس میں کمی کے لیے موثراورقابل عمل حکمت عملی اختیار کی جائے گی۔مجرمان اشتہاریوں،منشیا ت فروشوں،جوئے کے اڈوں اور قحبہ خانوں،ناجائز اسلحہ رکھنے والوں کے خلاف کریک ڈاؤن جاری رکھا جائے اور ان کے خلاف بلاتفریق کاروائی عمل میں لائی جائے گی۔