دریاؤں اور آبی ذخیروں میں پانی کی آمد و اخراج کے اعدادوشمار جاری

ہفتہ 16 اگست 2025 17:49

اسلام آباد (اُردو پوائنٹ اخبارتازہ ترین - اے پی پی۔ 16 اگست2025ء) واپڈا کی جانب سے دریاؤں اور آبی ذخیروں میں پانی کی آمد و اخراج کے ہفتہ کو جاری اعدادوشمار کے مطابق دریائے سندھ میں تربیلاکے مقام پر پانی کی آمد 4 لاکھ 18 ہزار 300کیوسک اور اخراج 3 لاکھ 76 ہزار 200 کیوسک،کابل میں نوشہرہ کے مقام پر پانی کی آمد 76 ہزار 900 کیوسک اور اخراج 76 ہزار 900 کیوسک، خیرآباد پل پر پانی کی آمد 3 لاکھ 53 ہزار700 کیوسک اور اخراج 3 لاکھ 53 ہزار700 کیوسک،جہلم میں منگلاکے مقام پر پانی کی آمد 69 ہزار 500کیوسک اور اخراج 7 ہزار 700 کیوسک جبکہ دریائے چناب میں مرالہ کے مقام پر پانی کی آمد 92 ہزار 800 کیوسک اور اخراج 63 ہزار 200 کیوسک ریکارڈ کیا گیا۔

تربیلا ڈیم کا کم از کم آپریٹنگ لیول 1402 فٹ،ریزروائر میں پانی کی موجودہ سطح 1547.94 فٹ،ریزروائر میں پانی ذخیرہ کرنے کی انتہائی سطح 1550 فٹ اورآج قابلِ استعمال پانی کا ذخیرہ 5.610 ملین ایکڑ فٹ ہے اسی طرح منگلا ڈیم کا کم از کم آپریٹنگ لیول 1050 فٹ،ریزروائر میں پانی کی موجودہ سطح 1211.15 فٹ،ریزروائر میں پانی ذخیرہ کرنے کی انتہائی سطح 1242فٹ اور آج قابلِ استعمال پانی کا ذخیرہ 4.984 ملین ایکڑ فٹ ریکارڈ کیا گیا ۔

(جاری ہے)

تربیلا اور چشمہ کے مقامات پر دریائے سندھ، نوشہرہ کے مقام پر دریائے کابل اور منگلا کے مقام پر دریائے جہلم میں پانی کی آمد اور اخراج 24گھنٹے کے اوسط بہاؤ کی صورت میں ہے۔