انگلش پریمیئرفٹ بال لیگ میں 18 مئی کومزید 5میچ کھیلے جائیں گے

ہفتہ 17 مئی 2025 21:40

لندن(اُردو پوائنٹ اخبارتازہ ترین - آن لائن۔ 17 مئی2025ء) انگلش پریمیئر فٹ بال لیگ میں 18 مئی کومزید 5میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ ایورٹن اور سائوتھمپٹن کی ٹیموں کے درمیان گڈیسن پارک، لیورپول کے مقام پر کھیلا جائے گا،دوسرا میچ ویسٹ ہیم یونائیٹڈ اور ناٹنگھم فارسٹ کی ٹیموں کے درمیان لندن سٹیڈیم ، لندن کے مقام پر کھیلا جائے گا،تیسرے میچ میں برینٹ فورڈ اور فلہم کی ٹیمیں آمنے سامنے ہوں گی اور یہ میچ جی ٹیک کمیونٹی سٹیڈیم، برینٹ فورڈ، انگلینڈ میں کھیلا جائے گا۔

چوتھا میچ لیسٹر سٹی اور ایپسوچ ٹائون کی ٹیموں کے درمیان کنگ پائور سٹیڈیم ، لیسٹر میں کھیلا جائے گاجبکہ 18مئی بروز ہفتہ کا پانچواں اور آخری میچ آرسنل اور نیو کیسل یونائیٹڈ کی ٹیموں کے درمیان ایمرٹس سٹیڈیم، لندن کے مقام پر کھیلا جائے گا۔

(جاری ہے)

انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔

ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔

Facebook Twitter Google + Share on Whatsapp

انگلش پریمیئرفٹ بال لیگ میں 18 مئی کومزید 5میچ کھیلے جائیں گے

مزید کھیلوں کی خبریں