پی سی بی سینٹرل کنٹریکٹس، فخر، صائم، حسن کی واپسی کا امکان

سینٹرل کنٹریکٹس میں بڑے پیمانے پر تبدیلی کا امکان نہیں، ڈومیسٹک پرفارمرز کو ایمرجنگ کیٹگری میں شامل کیا جاسکتا ہے: ذرائع، 3 سالہ فنانشل سٹرکچر کا یہ آخری سال ہوگا

ذیشان مہتاب اتوار 18 مئی 2025 13:44

پی سی بی سینٹرل کنٹریکٹس، فخر، صائم، حسن کی واپسی کا امکان

لاہور (اردو پوائنٹ تازہ ترین اخبار ۔ 18 مئی 2025ء ) قومی کرکٹرز کے سینٹرل کنٹریکٹس 26-2025ء کے حوالے سے ابتدائی مشاورت جاری ہے۔ تین سالہ فنانشل اسٹرکچر کا یہ آخری سال ہو گا، سینٹرل کنٹریکٹس میں بڑے پیمانے پر تبدیلی کا امکان نہیں ہے۔

2024-25ء کے سیزن میں اچھا پرفارم کرنے والے کرکٹرز سینٹرل کنٹریکٹس میں جگہ بنا سکتے ہیں۔

ذرائع کا کہنا ہے کہ بعض کھلاڑیوں کی کیٹیگریز میں ردو بدل کیا جا سکتا ہے جبکہ فخر زمان، حسن علی اور فہیم اشرف کی کنٹریکٹس میں واپسی ہو سکتی ہے۔

(جاری ہے)

ڈومیسٹک کے پرفارمرز کو ایمرجنگ کی صورت میں ڈی کیٹیگری میں شامل کیا جائے گا۔

قومی کرکٹرز کے سینٹرل کنٹریکٹس کی مدت 30 جون کو ختم ہو گی، سینٹرل کنٹریکٹس کے فنانشل اسٹرکچر کا یہ تیسرا اور آخری سال ہے۔

3 سالہ فنانشل اسٹرکچر کی منظوری ذکاء اشرف کے دور میں 2023ء میں دی گئی تھی۔

چیئرمین پی سی بی محسن نقوی نے گزشتہ سال بھی فنانشل اسڑکچر میں کوئی تبدیلی نہیں کی تھی اور اب بھی تبدیلی کا امکان نہیں ہے۔

گزشتہ برس پی سی بی نے 27 اکتوبر کو سینٹرل کنٹریکٹس یافتہ کھلاڑیوں کا اعلان کیا تھا۔ گزشتہ برس اے میں 2 بی میں 3 سی میں 9 اور ڈی کیٹیگری میں 11 کھلاڑی شامل تھے۔