Live Updates

بابر اعظم اور رضوان کی جوڑی کا ایک مرتبہ پھر ٹی ٹونٹی ٹیم میں واپسی کا امکان

ہیڈ کوچ مائیک ہیسن نے بابر اور رضوان کو ٹی ٹونٹی ٹیم میں واپسی کیلئے قدم بڑھا دیا

ذیشان مہتاب اتوار 18 مئی 2025 13:56

بابر اعظم اور رضوان کی جوڑی کا ایک مرتبہ پھر ٹی ٹونٹی ٹیم میں واپسی ..

لاہور (اردو پوائنٹ تازہ ترین اخبار ۔ 18 مئی 2025ء ) قومی ٹیم کے نئے ہیڈ کوچ مائیک ہیسن نے مبینہ طور پر بابر اعظم اور محمد رضوان کو دوبارہ ٹی20 سیٹ اَپ میں لیکر آجائیں گے۔

میڈیا رپورٹس میں دعویٰ کیا گیا ہے کہ نو منتخب پاکستانی ٹیم کے ہیڈ کوچ مائیک ہیسن بابر اعظم اور محمد رضوان کو دوبارہ ٹی ٹونٹی سکواڈ میں شامل کرنے کے خواہاں ہیں اور انہیں آئندہ ایشیاء کپ 2025ء اور ٹی ٹونٹی ورلڈکپ 2026ء کیلئے ٹیم میں واپسی کروانا چاہتے ہیں۔

(جاری ہے)

بنگلادیش کے خلاف آئندہ ہوم سیریز میں ہیڈ کوچ رضوان اور بابر اعظم کی جوڑی واپس لانے کے خواہشمند ہیں جبکہ دورہ نیوزی لینڈ میں بدترین کارکردگی پر انہیں ٹی20 اسکواڈ سے ڈراپ کردیا گیا تھا۔

ہیڈ کوچ کے قریبی ذرائع کا کہنا ہے کہ ہیسن بابر اعظم اور رضوان کی تکنیک کو بہتر بنانے کے علاوہ ان کے اسٹرائیک ریٹ کو بہتر کرنے کی کوشش کررہے ہیں تاکہ جارحانہ انداز کیساتھ کھلوایا جاسکے۔

پاکستان کی اگلی ٹی20 سیریز بنگلادیش کیخلاف شیڈول ہے جس میں دونوں کی واپسی متوقع ہے جب کہ انہیں کَن نمبرز پر کھلایا جائے گا، اس حوالے سے قیاس آرائیاں ہورہی ہیں کیونکہ فخر زمان اور صائم ایوب بھی ٹیم میں واپس آچکے ہیں۔